Yo 18:5 - Sơ̆p Hlabơar Nơ̆r 'Bok Kei-Dei

⁵ Na lu đe ei khan: “Nhôn chă Yêsu, Pơlei Nasaret.” Yêsu khan: “Inh boih Yêsu.” Juđa, bơngai plơ̆ plĕch kơ Yêsu, sư dơ̆ng hơdai đe noh.

Yo 18:5 Kruisverwysings

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Yo 1:46

Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Yo 18:4

Yêsu băt boih tơdrong wă truh kơ Sư, mă-lei Sư năm găn anăp lu đe ei păng jet: “Lu iĕm chă bu?”

Yo 18:6

Truh Yêsu khan: “Inh boih,” na lu sư kơdŭn tơ rŏng, pơ̆k tơ teh.

Yo 19:19

Pilat chih minh hlak gơ'bang athei đe pơ̆ng 'bơ̆t 'long pơglang. Gơ'bang 'noh chih thoi âu: “Yêsu, Pơlei Nasaret, Pơtao đe Juđê.”