Yo 17:7 - Sơ̆p Hlabơar Nơ̆r 'Bok Kei-Dei

⁷ Dang ei lu sư băt tôm tơdrong Ih pơjao ăn kơ Inh lĕch đơ̆ng Ih ngăl.

Yo 17:7 Kruisverwysings

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 16:15

Dôm tơdrong 'Bă Inh kư̆m thoi tơdrong Inh mơ̆n, kơlih kơ thoi noh na Inh khan Yang Bơhngol 'Lơ̆ng gô bơtho iĕm dôm tơdrong Inh.

Yo 17:10

Dôm lu bơngai Inh dang bơngai Ih păng đĭ-đăng bơngai Ih dang bơngai Inh mơ̆n. Lu sư kư̆m pơư pơang Inh.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Yo 17:8

Inh bơtho ăn kơ lu sư tôm tơdrong mă Ih pơkă ăn kơ Inh. Tôm lu tơdrong 'noh lu sư răk kơdih kơdih boih. Lu sư băt kơ Inh jur đơ̆ng Ih tơpă păng lu sư băt kơ Ih wơh Inh.

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.