Yo 11:3 - Sơ̆p Hlabơar Nơ̆r 'Bok Kei-Dei

³ Na 'bar 'nu bre mai oh ei wơh đe năm tơ Yêsu khan thoi âu: “Ơ 'Bok, Lasarơ mă Ih 'mêm kơeng, sư oei păn kơ jĭ.”

Yo 11:3 Kruisverwysings

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Yo 11:1

Tơ Pơlei Bethani đei minh 'nu bơngai anăn sư Lasarơ. Oh sư bre Mari păng Mathê kư̆m oei pơlei ei mơ̆n.

Yo 11:11

Klaih kơ noh Yêsu khan thoi âu dơ̆ng: “Lasarơ bơngai mă juăt păng bơ̆n, sư oei tep na Inh wă năm râu sư dang ei.”

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

Yo 11:21

Mathê khan hloi kơ Yêsu: “Ơ 'Bok, dah Ih tơ âu ki lei 'nhŏng inh huay kơ lôch ôh.

Yo 11:36

Thoi noh na lu bơngai Juđê khan: “Yêsu 'mêm kơ Lasarơ tơpă.”

Yo 11:5

Yêsu 'mêm tơpă kơ Mathê, Mari păng 'nhŏng sư Lasarơ.

Yo 13:13

Iĕm krao Inh 'Bok Thây iĕm păng Yŏng iĕm. Iĕm krao Inh thoi noh bưh mơ̆n yua kơ Inh 'Bok Thây iĕm păng Yŏng iĕm tơpă.

Yo 13:23

Minh 'nu bơngai pơhrăm păng Sư mă Sư 'mêm kơeng tơpă, sư oei jê̆ Yêsu.

II Tim 4:20

Êrat oei tơ Pơlei Kôrintô. Trôphĭm năm păng inh truh tơ Pơlei Milê đĕch yua kơ sư jĭ.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.