Yo 10:11 - Sơ̆p Hlabơar Nơ̆r 'Bok Kei-Dei

¹¹ “Inh bơngai wei triu 'lơ̆ng tơpăt. Inh chu lôch yua kơ triu Inh.

Yo 10:11 Kruisverwysings

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

Horiso 23:1

Kră Yang Tơ'ngla wei-lăng inh, inh ưh kơ khăi kơ kiơ.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Yo 10:2

Bơngai mă mơ̆t trong 'măng tơm, bơngai 'noh sư tơ'ngla triu.

Yo 15:13

Bơngai bu ăn akâu sư kơdih lôch tang lu buăl juăt sư, bơngai 'noh boih 'mêm mơnat kơ buăl juăt sư tơpă.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”