Rom 4:22 - Sơ̆p Hlabơar Nơ̆r 'Bok Kei-Dei

²² Yua kơ sư lui na sơ̆p hla bơar 'Bok Kei-Dei khan: “Abraham đei đon lui păng gơnang kơ 'Bok Kei-Dei, na 'Bok Kei-Dei jô̆ sư bơngai 'lơ̆ng tơpăt.”

Rom 4:22 Kruisverwysings

Bl 15:6

Abram lui tơpă kơ Kră Yang, na Kră Yang jô̆ sư bơngai tơpăt.

Rom 4:3

'Bok Kei-Dei lăp đon yua kơ minh tơdrong sư lui đĕch. Bơ̆n băt tơdrong noh yua kơ sơ̆p hla bơar 'Bok Kei-Dei khan thoi âu: “Abraham đei đon lui păng gơnang kơ 'Bok Kei-Dei, na 'Bok Kei-Dei jô̆ sư bơngai 'lơ̆ng tơpăt.”

Rom 4:6

Tơdrong 'bok Đawit sơ̆ kư̆m thoi noh mơ̆n. 'Bok Đawit khan dôm lu bơngai mă ưh kơ gơnang kơ akâu sư kơdih wă kiơ̆ tơdrong juăt 'Bok Kei-Dei pơkă, mă-lei gơnang kơ 'Bok Kei-Dei, 'Bok Kei-Dei kư̆m mơnat jô̆ lu sư bơngai 'lơ̆ng tơpăt na lu bơngai noh hiôk tơpă. Tơdrong sư pơma noh sơ̆ thoi âu: