Philip 4:9 - Sơ̆p Hlabơar Nơ̆r 'Bok Kei-Dei

⁹ Iĕm athei pơhrăm iŏk dôm tơdrong inh bơtho iĕm mă iĕm kơtơ̆ng boih noh păng iĕm 'bôh boih tơdrong inh pơm, thoi noh na 'Bok Kei-Dei oei hơdai iĕm, ăn kơ iĕm oei hiôk ling-lang.

Philip 4:9 Kruisverwysings

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 7:21

“Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Luka 6:46

“Yua kơ kiơ iĕm krao Inh Yŏng iĕm, mă-lei iĕm kuă kơ pơm kiơ̆ kơ đon Inh bơtho?

Luka 8:21

Na Yêsu khan: “Bơngai bu mă mơ̆ng păng kiơ̆ dôm nơ̆r 'Bok Kei-Dei, bơngai noh boih dang mĕ Inh, dang 'nhŏng oh Inh.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Rom 15:33

'Bok Kei-Dei đĕch gơh ăn kơ bơ̆n hiôk-hian, na inh apinh Sư oei hơdai đĭ-đăng kơ iĕm. A-men.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 14:33

yua kơ 'Bok Kei-Dei ưh kơ wă kơ bơ̆n akŭm kư̆ kă ôh, Sư wă kơ bơ̆n akŭm 'blep trŏ thoi Sư wă.

I Kor 4:16

Thoi noh na inh wă kơ iĕm pơm kiơ̆ kơ inh.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

Both 5:1

Môis krao đĭ-đăng bơngai Isơrael na khan: Ơ bơngai Isơrael! Mơ̆ng bĕ dôm lu khôi juăt păng nơ̆r tơtă inh roi ăn kơ lu iĕm băt năr 'nâu; lu iĕm athei pơhrăm hŏk iŏk mă pơ'lơ̆ng pơm kiơ̆ dôm lu tơdrong noh.

Philip 3:17

Ơ lu 'nhŏng oh, iĕm athei kiơ̆ tơdrong thoi inh lui, hăm kiơ̆ thoi lu bơngai lui trŏ thoi nhôn.

Philip 4:7

Thoi noh na 'Bok Kei-Dei ăn kơ iĕm hiôk huay kơ tơchĕng lơ tơdrong păng huay kơ tơchĕng kơ tơdrong hli, yua kơ iĕm lui gơnang boih kơ Yêsu Krist. Tơ̆ng bơ̆n gơnang kơ đon bơ̆n tơchĕng kơdih đĕch bơ̆n ưh kơ hiôk ôh.

I Tes 1:6

Iĕm pơm kiơ̆ rok thoi nhôn boih, noh thoi nhôn pơm kiơ̆ rok Kră Yang Yêsu Krist ki mơ̆n. Iĕm đei lơ tơdrong pơmat-tat mă-lei khŏm lui kơ tơdrong nhôn bơtho, Yang Bơhngol 'Lơ̆ng ăn kơ iĕm jơhngơ̆m hiôk hơiă tơpă.

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

II Tes 3:4

Nhôn băt kơ Sư tơgŭm iĕm ling-lang. Kơlih thoi noh na nhôn băt kơ iĕm dang ei pơm trŏ thoi nhôn pơkă tơpă păng iĕm gô pơm trŏ kiơ̆ kơ nhôn pơkă khŏm khŏm đơ̆ng sơ̆ khơ̆ ning-mônh.

II Tim 4:22

Inh apinh Kră Yang Yêsu Krist oei păng ih ling-lang păng apinh Sư wei-lăng rim 'nu kơ iĕm tôm tơdrong.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

I Yo 3:22

Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.