Philip 4:12 - Sơ̆p Hlabơar Nơ̆r 'Bok Kei-Dei

¹² Mă arih pơmat-tat, mă arih hiôk jơnap inh băt tôm boih. Mă oei tơ yơ, mă tơdrong kiơ truh kơ inh, inh kư̆m juăt juăi boih, mă phĭ-phăt, mă pơngot rơwĕt, mă rơkah rơkai, dah ưh kơ mah.

Philip 4:12 Kruisverwysings

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Êsai 8:11

Kră Yang yua ti pran kơtang Sư pơma hăm inh păng bơtho tơbăt khan kơ inh 'nĕ rok kiơ̆ trong lu kon pơlei 'nâu.

Je 31:19

Tơpă, đơ̆ng rŏng kơ inh weh đơ̆ng Kră Yang, inh tơbral boih; đơ̆ng rŏng kơ inh băt hlôh, inh tŭr kơtơh hmach. Inh mơlâu dêh, Inh pŭ tơdrong mơlâu đơ̆ng pơm yoch đơ̆ng oei tơdăm mơlôh.”

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 10:10

thoi lu đe mă jô̆ kơ inh, khan kơthơ inh chih pơma kơtang dêh, mă-lei mưh inh oei hơdai lu sư tơpă, lu sư jô̆ kơ inh khan bơngai lêl, bơngai pơma ưh kơ yua.

II Kor 11:27

Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.

II Kor 11:7

Kơplah inh bơtho iĕm tơdrong 'nao 'lơ̆ng 'Bok Kei-Dei sơ̆, inh iŏk đon ala kơ đe ưh kơ wă iŏk sa tơmam iĕm apah; inh jang sa kơdih bơtho rah iĕm wă kơ iĕm hiôk chơt. Đe ưh kơ hiôk kơ inh tơdrong noh hă na đe pơjăm inh ei?

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

Both 32:10

Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.