Philip 3:5 - Sơ̆p Hlabơar Nơ̆r 'Bok Kei-Dei

⁵ Sơ̆ đe kư̆m kăt tơdra akar inh kơplah inh oei nge 'nao lăp tơhngam năr. Yua kơ inh bơngai Isơrael tơpă na đe kăt tơdra akar inh đơ̆ng oei nge. Păng inh adrĕch adrung Bênjamin. Inh pơma nơ̆r Isơrael kư̆m lei-lăi thoi mĕ 'bă inh. Lu bơngai Pharisi kiơ̆ tơdrong juăt Môis kơjăp, inh kư̆m jing bơngai Pharisi kiơ̆ kơjăp thoi lu sư mơ̆n.

Philip 3:5 Kruisverwysings

Bl 14:13

Minh 'nu bơngai klaih năm kơdâu roi kơ Abram bơngai Hêbrơ, oei tơ hla hơmŭl 'long kôih Mamrê, bơngai Amôrit, 'nhŏng kơ Êskôl păng Ane, pêng 'nu âu pơgơ̆p hăm Abram boih.

Bl 17:12

Lăm đĭ jơhnơr, rim 'nu kon drŏ-nglo lăm lu iĕm, mă hơiơch tơ hnam dah iĕm răt kon đe păng jên, ưh kơ trŏ adrĕch adrung iĕm, dah truh tơhngam năr boih, athei kăt tơdra akar.

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

Bl 41:12

Tơ noh kư̆m đei minh 'nu tơdăm bơngai Hêbrơ kư̆m phak hơdai nhi, sư đam 'bok wei-lăng hnam bơnă, nhi roi ăn kơ sư dôm tơdrong nhi apo, na sư tơblang ăn kơ nhi tơdrong apo noh wă khan kiơ truh kơdih kơdih.

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Luka 1:59

Lăp kon sư ei truh tơhngam năr boih na đe năm kăt tơdra akar kon sư kiơ̆ kơ tơdrong juăt lu bơngai Isơrael. Lu 'nhŏng oh đe mĕ 'bă sư wă anăn sư Sachari kư̆m lei-lăi thoi anăn 'bă sư mơ̆n yua kơ sư juăt anăn thoi noh.

Luka 2:21

Lăp nge Yêsu truh tơhngam năr boih na đe kăt tơdra akar Sư păng anăn hloi Sư Yêsu kiơ̆ kơ linh jang 'lơ̆ng pơkă ăn kơ sư hơdrol kơ nge sư tam đei lăm klak mĕ Sư sơ̆.

Luka 5:38

Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 6:1

Hơtai ei đe lui kiơ̆ Yêsu rai lơ. Lu bơngai lui ei khŭl bơngai Juđê pơma nơ̆r Grĕk păng khŭl Juđê mơ̆n sư pơma nơ̆r Juđê, lu sư pơjah pơjăng dih băl. Na khŭl mă pơma nơ̆r Grĕk, lu sư khan kơ đe mă asong tơmam sa, khan rim năr lu bơngai yă adro gah khŭl sư, đe ăn tơmam sa ưh kơ mah.

Rom 11:1

Thoi noh ră, mă-lei 'Bok Kei-Dei hăm hŭt lê̆ đe Isơrael? Ưh ôh, Sư oei 'mêm tơpă. Na inh âu boih bơngai Isơrael kư̆m kon sâu Abraham; inh đơ̆ng adrĕch adrung 'bok Bênjamin.

II Kor 11:22

Lu bơngai noh bơngai Hêbrơ hă? Inh kư̆m bơngai Hêbrơ. Lu bơngai noh bơngai Isơrael hă? Inh kư̆m bơngai Isơrael. Lu sư kon sâu Abraham hă? Inh kư̆m kon sâu 'bok noh.

I Sam 4:6

Kon pơlei Philistin kơtơ̆ng nơ̆r noh, na jet khan: Nơ̆r jreo re hiôk chơt tih lăm kơđông linh lu bơngai Hêbrơ noh kiơ kih? Lu sư kơtơ̆ng băt khan Hom Pơgơ̆p Kră Yang đe 'nao tung truh tơ lăm kơđông.