Philip 3:21 - Sơ̆p Hlabơar Nơ̆r 'Bok Kei-Dei

²¹ Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

Philip 3:21 Kruisverwysings

Hơri Hiôk 1:11

Nhôn gô pơguăng kơ ih hăm găp maih.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Hôsia 13:14

Inh gô dŏng pơklaih lu sư đơ̆ng tơdrong pran kơtang dêh atâu, păng gô pơklaih lu sư đơ̆ng tơdrong lôch. Ơ tơdrong lôch tơ yơ tơdrong lôch hơbuh gơh pơrăm? Ơ dêh atâu tơ yơ tơdrong ih gơh pơrăm. Inh pă gơh mơnat boih.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Mathiơ 22:29

Yêsu khan kơ lu sư: “Iĕm ưh kơ hlôh tơdrong noh yua kơ iĕm ưh kơ pơwao sơ̆p hla bơar 'Bok Kei-Dei, na iĕm ưh kơ băt Sư gơh pơm tôm tơdrong.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Kôlôsê 3:4

Tơ̆ng bơ̆n băt kơ Yêsu Krist ăn kơ bơ̆n arih thoi Sư, lei ning-mônh bơ̆n gô 'bôh Sư jur tơ bơ̆n, bơ̆n gô oei hơdai hăm Sư hiôk jơnap ling-lang.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”