Philip 3:10 - Sơ̆p Hlabơar Nơ̆r 'Bok Kei-Dei

¹⁰ Inh wă gơnang kơ Sư đĕch, Sư mơsêh mơyang tơpă, Sư iung arih đơ̆ng lôch boih. Yua kơ thoi noh na inh chu iŏk tơdrong pơmat, chu iŏk tơdrong lôch thoi Sư. Tơdrong lôch wă khan tơdrong so inh lê̆ đĭ boih, ưh pă 'bơ'blŏk dơ̆ng.

Philip 3:10 Kruisverwysings

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Mathiơ 20:23

Yêsu khan dơ̆ng: “Biĕm gô iŏk tơdrong anat thoi Inh, mă-lei tơdrong pơm tih oei gah 'ma gah 'ngiĕo kơ Inh noh, ưh kơ trŏ kơ Inh ăn ôh, tơdrong noh gô mơ̆ng kơ 'Bă Inh đĕch băt.”

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

II Kor 1:5

Yua kơ bơ̆n chu iŏk tơdrong pơmat-tat thoi Yêsu Krist, na Sư pơlung bơ̆n, wă kơ bơ̆n huay kơ sơ'ngon.

II Kor 13:4

Sư lôch tơ 'long pơglang sơ̆ kư̆m thoi noh mơ̆n, bơ̆n lăng Sư lôch thoi Sư rơdu, mă-lei Sư đei mơsêh mơyang 'Bok Kei-Dei kơtang, ăn kơ Sư iung arih dơ̆ng. Nhôn kư̆m rơdu tơrăn thoi Sư sơ̆, mă-lei nhôn đei mơsêh mơyang 'Bok Kei-Dei kơtang, tơdrong arih nhôn năm tơ iĕm kơnh kư̆m thoi noh.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 6:17

Đơ̆ng âu tơ anăp, mă bu bu 'nĕ pă pơma khan inh ưh kơ trŏ kơ bơngai jơ̆ng 'bang Yêsu dah khan inh ưh kơ bơtho tơdrong Sư tơpă. Inh jơ̆ng 'bang Sư tơpă na inh gơh đei rơka đêl đe tôn teh inh âu.

Êphêsô 4:13

Đĭ-đăng kơ bơ̆n jing pôm đon yua kơ minh tơdrong lui băt kơdih kơdih tơdrong Yêsu Kon 'Bok Kei-Dei, na bơ̆n gô jing bơngai wơ̆ tôch tơ̆l thoi Yêsu.

Philip 3:8

Mă tơdrong kiơ đe khan yua, inh lăng ưh pă yua boih, yua kơ dôm tơdrong inh sơđơ̆ng kơ Yŏng inh Yêsu Krist kăl hloh kơ đĭ-đăng tơdrong noh. Inh hăt kơ kiơ̆ Sư lê̆ đĭ dôm tơdrong akâu inh sơđơ̆ng thoi lĕ kơ hla đuih đăm, wă kơ inh gơh sơng iŏk Yêsu Krist,

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 2:13

Iĕm bơngai khŭl nai, sơ̆ iĕm oei gơh pơm lơ tơdrong yoch, tơdrong kơnê̆, bơngai oei arih ră dang lĕ kơ bơngai lôch boih. Păng iĕm ưh kơ trŏ kơ bơngai 'Bok Kei-Dei wă tơgŭm thoi lu bơngai Juđê ôh. Mă-lei 'Bok Kei-Dei tơiung arih Yêsu Krist đơ̆ng lôch boih, dang Sư tơiung arih iĕm mơ̆n, Sư huay pă jô̆ yo boih dôm tơdrong yoch bơ̆n juăt kơ pơm sơ̆.

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

II Pet 1:13

Inh arih tơ ala teh âu dang yơ, inh bơtho tơ'blŏk kơ iĕm dang noh,

I Yo 2:3

Dah bơ̆n răk dôm tơdrong Sư pơkă lei noh bơ̆n lui kơ Sư tơpă.

I Yo 2:5

Sơmă dah bơngai bu răk dôm nơ̆r Sư pơkă, bơngai 'noh băt 'mêm kơ 'Bok Kei-Dei. Wă kơ bơ̆n băt tơdrong bơ̆n lui kơ Yêsu Krist, bơ̆n athei kiơ̆ thoi Sư oei tơ ala teh âu sơ̆.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.