Philip 2:5 - Sơ̆p Hlabơar Nơ̆r 'Bok Kei-Dei

⁵ Iĕm athei tơchĕng đon thoi Yêsu Krist tơchĕng:

Philip 2:5 Kruisverwysings

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Luka 22:27

Bơngai bu tih hloh kơ bre sư, bơngai mă awih awăn kơ yŏng sư sa noh, dah yŏng sư tih hloh? Yŏng sư boih tih hloh kơ đĭch sư. Mă-lei kơplah Inh oei hơdai păng lu iĕm, Inh dang đĭch awih awăn kơ iĕm.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 14:15

Na đơ̆ng âu tơ anăp dah 'nhŏng oh bơngai lui bơ̆n khan 'nĕ kơ sa tơmam noh bơ̆n giĕng, bơ̆n kư̆m 'nĕ kơ sa kiơ̆ kơ sư khan. Dah bơ̆n kư̆ kơ sa, đe jô̆ bưh kiơ bưh, noh ưh kơ 'lơ̆ng ôh, hli kơ sư hơwơ̆l, dang bơ̆n pơyoch sư mơ̆n. Păng bơ̆n jing ưh kơ đei tơdrong 'mêm kơ 'nhŏng oh thoi Yêsu lôch tang bơ̆n, yua kơ hơlŏng bơlŭk bơ̆n đĕch.

Rom 15:3

kư̆m thoi Yêsu ưh kơ pơm kiơ̆ kơ đon Sư kơdih ôh. 'Noh kư̆m thoi đe chih roi tơdrong Sư pơma kơ 'Bok Kei-Dei sơ̆ khan: “Dôm tơdrong đe hil areh kơ Ih kư̆m hil areh kơ Inh mơ̆n.”

Rom 15:5

'Bok Kei-Dei ăn kơ bơ̆n đei đon lui kơjăp păng ăn kơ bơ̆n oei hiôk, na inh apinh Sư ăn kơ iĕm oei hiôk gơh găt dih băl, kư̆m thoi Yêsu Krist bơngai gơh găt păng bơ̆n.

I Kor 10:33

Gah inh ling-lang pơm 'lơ̆ng tơpăt wă kơ đĭ-đăng bơngai lăp đon kơ inh lăm tôm tơdrong. Inh ưh kơ wă tơchĕng tơgŭm gah akâu inh kơdih ôh, inh wă tơgŭm pơyua lu bôl buăl wă kơ lơ bơngai lui kơ Yêsu Krist na klaih đơ̆ng tơdrong yoch.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.