Philip 2:26 - Sơ̆p Hlabơar Nơ̆r 'Bok Kei-Dei

²⁶ Na dang ei inh tơchĕng trŏ kơ ăn kơ sư brŏk, yua kơ sư kư̆m rơnguơ̆ kơ iĕm boih. Păng sư nŏng kơ tơchĕng kơ iĕm, hli kơ iĕm ngêh kơ sư oei jĭ thoi ki.

Philip 2:26 Kruisverwysings

II Sam 13:39

Pơtao hơi 'biơ̆ sơ'ngon kơ Amnôn lôch boih, na pơtao 'blŏk 'maih 'moi kiơ̆ Apsalôm.

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

Jop 9:27

Tơdah inh khan kơdih. “Inh ưh pă ôr tơtok bơih, inh gô pơm tơ'bôh muh măt oei hiôk hiĕk chơt.”

Horiso 69:20

Inh pơmat-tat dêh, jơhngơ̆m inh pơchah yua kơ tơdrong mơlâu. Inh oei chang bơngai mơnat kơ inh, mă-lei ưh kơ đei bu; Inh chang đei bơngai pơlung, mă-lei ưh đei 'bôh bu.

Tơdrông Pơđơk 12:25

Tơdrong ơh sơ'ngon kon bơngai pơm kơ sư rai trăp; Mă-lei đei nơ̆r rơngơp pơm kơ sư chơt hiôk.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Mathiơ 26:37

Yêsu anhăk ba lăp pêng 'nu đĕch truh tơ anih Sư krao khan. Pêtrôs păng 'bar 'nu bre 'nhŏng oh kon Sêbêđê. Yêsu sơ'ngon dêh yua kơ Sư băt kơdih wă đei tơdrong gleh truh.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

II Kor 9:14

Lu sư gô krao khan kơ 'Bok Kei-Dei tơgŭm iĕm păng lu sư 'mêm kơ iĕm tơpă, yua kơ lu sư 'bôh tơdrong 'lơ̆ng 'Bok Kei-Dei ăn kơ iĕm.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Philip 1:3

Mưh đon inh 'blŏk kơ iĕm, inh bơnê kơ 'Bok Kei-Dei.

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

Philip 2:27

Ki sư jĭ kal tơpă, mah wă lôch, mă-lei 'Bok Kei-Dei mơnat kơ sư, mơnat kơ inh mơ̆n. Tơ̆ng sư lôch 'Bok Kei-Dei hli kơ inh sơ'ngon rai dêh.

Philip 4:1

Yua kơ thoi noh, ơ lu 'nhŏng oh, iĕm athei lui kơjăp thoi noh, na gơh kiơ̆ Kră Yang Yêsu Krist. Inh 'mêm kơ iĕm tơpă păng rơnguơ̆ kơ iĕm dêh 'maih tơ'bơ̆p iĕm dơ̆ng. Yua kơ iĕm lui đơ̆ng inh bơtho oei kiơ̆ khŏm khŏm na jơhngơ̆m inh hiôk dêh dang đe apah kơ tơdrong jang inh tơmam.

I Pet 1:6

Iĕm băt thoi noh boih na mă iĕm đei tơdrong gleh pơmat hang nuih dang ei, iĕm athei iŏk jơhngơ̆m hiôk bĕ. Păng tơdrong gleh sư ưh kơ ling-lang ôh.