Philip 2:25 - Sơ̆p Hlabơar Nơ̆r 'Bok Kei-Dei

²⁵ Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

Philip 2:25 Kruisverwysings

Tơdrông Pơđơk 25:13

Bơngai đe wơh tơnăp hăm yŏng sư Thoi 'mui prĕl rơngơp bơyan yuă 'ba. Yua kơ pơm kơ bơhngol yŏng tơ'ngla sư hiôk.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 17:18

Inh wơh lu sư năm jơ̆p-jang kơ teh đak âu, kư̆m thoi Ih wơh Inh jur tơ ala teh âu mơ̆n.

Rom 16:3

Na dang ei inh wă jet gia tôm kơ iĕm tơ âu: Bĭ bre Prisil păng Akila bre sư thoi yơ dang ei? Sơ̆ bre sư jang tơdrong Kră Yang Yêsu Krist hơdai hăm inh.

Rom 16:9

Inh kư̆m wă jet gia lăng Uban, sư kư̆m jang tơdrong Yêsu Krist hơdai hăm bơ̆n. Păng inh kư̆m wă jet gia Satach, inh 'mêm kơ sư tơpă.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 2:13

Jơhngơ̆m inh ưh kơ hiôk ôh chang lăng 'nhŏng Tĭt đơ̆ng năm ba kơthơ tơ iĕm ki ưh kơ jah brŏk tơ inh. Inh pă kĕ gô sư boih 'maih dah kơtơ̆ng tơdrong iĕm thoi yơ, na inh achăng lê̆ 'nhŏng oh bơngai lui Pơlei Trôs năm hơloh hloi tơ dêh Masêđôn.

Philip 2:26

Na dang ei inh tơchĕng trŏ kơ ăn kơ sư brŏk, yua kơ sư kư̆m rơnguơ̆ kơ iĕm boih. Păng sư nŏng kơ tơchĕng kơ iĕm, hli kơ iĕm ngêh kơ sư oei jĭ thoi ki.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Kôlôsê 1:7

Iĕm kơtơ̆ng tơdrong noh đơ̆ng Êpapra bơtho iĕm sơ̆, tơdrong sư bơtho trŏ tơpă. Sư bơngai jang tơdrong Yêsu Krist hăm nhôn, nhôn 'mêm kơ sư tơpă; sư jang tang inh oei hơdai hăm iĕm tơ noh.

Kôlôsê 4:11

Jôsuê mă đe anăn Jutu, sư kư̆m jet gia iĕm. Dôm lu bơngai jang hơdai hăm inh bơtho tơdrong 'Bok Kei-Dei lăp pêng 'nu lu đe âu đĕch bơngai Juđê. Lu sư tơgŭm inh dêh na inh hiôk lăm jơhngơ̆m tơpă.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.