Philip 2:11 - Sơ̆p Hlabơar Nơ̆r 'Bok Kei-Dei

¹¹ Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Philip 2:11 Kruisverwysings

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Horiso 18:49

Thoi noh, Ơ Kră Yang, inh gô ư-ang kơ Ih lăm kon pơlei pơla, Păng hơri bơnê kơ Ih.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Mathiơ 10:32

“Bu roi kơ đe khan sư lui kơ Inh, Inh kư̆m roi kơ 'Bă Inh tơ plĕnh ti, bơngai 'noh sư lui kơ Inh tơpă.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Yo 12:42

Mă-lei kư̆m đei lơ mơ̆n lu kră pơm tih lăm dêh Juđê lui kơ Yêsu. Mă-lei lu sư ưh kơ roi kơ đe tơdrong sư lui ôh, kơlih kơ lu sư hli kơ lu bơngai Pharisi băt kơ lu sư lui, na bơngai Pharisi ưh kơ ăn mơ̆t akŭm lăm hnam akŭm 'Bok Kei-Dei.

Yo 13:13

Iĕm krao Inh 'Bok Thây iĕm păng Yŏng iĕm. Iĕm krao Inh thoi noh bưh mơ̆n yua kơ Inh 'Bok Thây iĕm păng Yŏng iĕm tơpă.

Yo 13:14

Inh 'Bok Thây iĕm păng Yŏng iĕm, mă-lei Inh ôp jơ̆ng iĕm dang Inh pơm đĭch iĕm đĕch, mă iĕm athei ôp dih băl jơ̆ng iĕm.

Yo 14:13

Dôm tơdrong iĕm apinh Inh, dah iĕm krao wơ̆n păng anăn Inh wă kơ Inh ăn kơ iĕm tơdrong kiơ Inh gô ăn kơ iĕm tơpă, wă kơ đe ư-ang 'Bă Inh, yua kơ đe 'bôh Inh Kon Sư ăn kơ iĕm dôm tơdrong iĕm apinh.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Jang 2:36

Inh wă kơ đĭ-đăng bơngai Isơrael băt mă nhên: Yêsu mă iĕm pơ̆ng pơlôch tơ 'long pơglang, Sư boih 'Bok Kei-Dei ăn pơm Yŏng bơ̆n păng 'Bok Krist mă pơgơ̆r bơ̆n kư̆m Sư mơ̆n.”

Rom 14:11

Tơdrong noh gô 'blep thoi đe chih roi tơ lăm sơ̆p hla bơar 'Bok Kei-Dei sơ̆ thoi âu: “Inh 'Bok Kei-Dei Kră Yang iĕm, Inh đei tơpă păng Inh arih ling-lang, na ning-mônh đĭ-đăng kon bơngai sơtơ̆p kŭl-tăng kơkuh kơ Inh păng ư-ang Inh.”

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

Rom 15:9

Sư iŏk tơdrong pơmat-tat noh wă kơ lu bơngai tơmoi khŭl nai ư-ang 'Bok Kei-Dei, yua kơ 'Bok Kei-Dei 'mêm mơnat kơ lu sư mơ̆n. 'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Inh pơư ang anăn Ih kơ lu bơngai tơmoi mă ưh kơ khŭl Juđê, inh hơri ư-ang kơ Ih.”

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

I Kor 15:47

Bơngai kơ đĭ-đăng hơdrol sơ̆, sư đơ̆ng 'Bok Kei-Dei pơjing sư păng teh, man sư păng 'mui teh; na bơngai mă 'bar 'noh Sư jur đơ̆ng plĕnh.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 4:2

Wă kơ iĕm băt bơngai ayơ đei Yang Bơhngol 'Lơ̆ng đơ̆ng 'Bok Kei-Dei tơpă iĕm athei tơdra thoi âu: Dah sư khan Yêsu Krist jur jing bơngai tơpă, lei bơngai 'noh đei Yang Bơhngol 'Lơ̆ng đơ̆ng 'Bok Kei-Dei tơpă.

II Yo 1:7

Dang ei đei lơ bơngai năm bơtho jơ̆p-jang chă hơlĕnh kơ đe, lu sư khan Yêsu Krist ưh kơ jing kon bơngai tơpă ôh sơ̆. Bơngai bu bơtho thoi noh, bơngai 'noh sư hơlĕnh đĕch păng sư ayăt kơ Yêsu Krist mơ̆n.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.