Philip 1:6 - Sơ̆p Hlabơar Nơ̆r 'Bok Kei-Dei

⁶ 'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

Philip 1:6 Kruisverwysings

Horiso 138:8

Kră Yang gô pơm keh dôm tơdrong Sư pơkă kơ inh. Ơ Kră Yang, tơdrong 'mêm Ih oei oei ling-lang; Apinh Ih 'nĕ kơ lê̆ dôm tơdrong jang đơ̆ng ti Ih.

Yo 6:29

Yêsu khan kơ lu sư: “'Bok Kei-Dei wă thoi âu: Sư wă kơ iĕm lui kơ Inh âu mă đơ̆ng Sư wơh.”

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

I Kor 1:8

Sư ăn kơ iĕm oei lui kơjăp truh năr tôch, wă kơ iĕm oei 'lơ̆ng tơpăt huay kơ đei tơdrong yoch kiơ kơplah năr Kră Yang Yêsu Krist jur.

II Kor 1:15

Thoi noh na ki inh băt kơ iĕm lăp đon tơpă, na inh pơkă wă năm hơpong tơ dêh iĕm, inh wă năm tơ pơlei iĕm hơdrol,

II Kor 2:3

Kơthơ mă inh chih kơ iĕm ki, inh kư̆m chih khan thoi noh. Inh ling-lang wă sơđơ̆ng ngêh kơ iĕm, hiôk hăm iĕm na inh kuă kơ năm ki, hli kơ inh sơ'ngon yua kơ iĕm ưh kơ hiôk kơ đơ̆ng inh pơma pơjĭ đon iĕm. Yua kơ inh bơngai hiơ̆ hăm iĕm, iĕm băt boih.

II Kor 7:16

Inh hiôk dêh yua kơ inh băt kơ iĕm gô pơm 'lơ̆ng pơm trŏ lăm tôm tơdrong.

II Kor 9:4

Hli kơ đei lu bơngai đơ̆ng dêh Masêđôn kiơ̆ inh năm tơ iĕm, na 'bôh iĕm tơra ưh tam mă tôm, inh mơlâu, yua kơ đêl inh roi tơbăt kơ lu sư boih; mă iĕm kư̆m mơlâu kơ lu sư hloh loi kơ inh mơ̆n.

Galati 5:10

Yua kơ iĕm lui kơ Kră Yang Yêsu Krist, na inh băt kơ iĕm wă kiơ̆ dôm tơdrong inh bơtho. Mă-lei gah lu bơngai wă pơtuah iĕm noh, mă lu sư bơngai pơm tih, pơm iĕ, 'Bok Kei-Dei wă phak lu sư tơpă ning-mônh.

Êphêsô 4:12

Sư chă asong đe thoi noh Sư wă kơ lu bơngai jang noh tơgŭm đĭ-đăng lu kon 'Bok Kei-Dei lui kơjăp gơh jang tơdrong 'Bok Kei-Dei. Thoi noh na đĭ-đăng lu kon 'Bok Kei-Dei jing pôm đon hăm Yêsu Krist rai đunh rai wơ̆.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Philip 2:16

Iĕm tơ'bôh kơ lu sư tơdrong 'Bok Kei-Dei ăn kơ kon bơngai arih, thoi noh na lăp truh năr Yêsu Krist jur ning-mônh jơhngơ̆m inh hiôk dêh, yua kơ tơdrong jang inh đei yua; ưh kơ sĭ jang tŭk đĕch ôh.

Kôlôsê 2:12

'Noh thoi đe pơm kơ bơ̆n 'batem tơmôch lăm đak, dang 'bŭ akâu bơ̆n hơdai Yêsu minh pôm bong. Bơ̆n iung đơ̆ng đak, kư̆m dang bơ̆n iung arih thoi Sư mơ̆n. Dang ei bơ̆n jing bơngai 'nao boih yua kơ bơ̆n lui păng gơnang kơ tơdrong mơsêh mơyang 'Bok Kei-Dei mă tơiung arih Sư đơ̆ng lôch noh.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

II Tes 1:11

Kơlih kơ thoi noh nhôn krao khan kơ Kră Yang 'Bok Kei-Dei apinh Sư ăn kơ iĕm lui kơjăp khŏm khŏm trŏ thoi Sư wă. Sư boih krao iŏk lu iĕm wă kơ iĕm jing kon Sư. Nhôn apinh Sư ăn kơ iĕm jơhngơ̆m pran wă kơ iĕm gơh răk đon 'lơ̆ng tơpăt, kư̆m thoi iĕm tơchĕng wă mơ̆n. Nhôn apinh Sư ăn kơ iĕm lui kơjăp wă kơ iĕm jang tơdrong Sư pran kơtang.

II Tes 3:4

Nhôn băt kơ Sư tơgŭm iĕm ling-lang. Kơlih thoi noh na nhôn băt kơ iĕm dang ei pơm trŏ thoi nhôn pơkă tơpă păng iĕm gô pơm trŏ kiơ̆ kơ nhôn pơkă khŏm khŏm đơ̆ng sơ̆ khơ̆ ning-mônh.

Phil 1:21

Inh chih kơ ih kơthơ âu kơlih kơ inh băt kơ ih gô pơm kiơ̆ kơ dôm nơ̆r inh pơma kơ ih. Inh kư̆m băt kơ ih gô pơm 'lơ̆ng hloh kơ nơ̆r inh pơma kơ ih.

Hêbrơ 10:35

Thoi noh na iĕm 'nĕ kơ lê̆ tơdrong lui. Yua kơ iĕm lui kơjăp boih, iĕm gô đei tơmam 'Bok Kei-Dei asong tơ plĕnh ti.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.