Philip 1:4 - Sơ̆p Hlabơar Nơ̆r 'Bok Kei-Dei

⁴ Rim inh krao khan kơ 'Bok Kei-Dei, inh apinh Sư tơgŭm iĕm, na lăm jơhngơ̆m inh hiôk,

Philip 1:4 Kruisverwysings

Markôs 5:5

Mă kơmăng, mă kơ'năr, sư oei tơ bơsat, phŏ tơ kông, sư ling-lang tơkĕch păng iŏk tơmo tôn akâu sư kơdih.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Luka 15:7

Kư̆m thoi noh mơ̆n, lu linh jang 'lơ̆ng tơ plĕnh, lu sư 'bôh minh 'nu bơngai yoch tơbral kơdih tơdrong yoch sư, lu sư hiôk hloh kơ 'bôh tơsĭn-jĭt tơsĭn 'nu bơngai 'lơ̆ng mă ưh kơ kăl kơ tơbral kơdih tơdrong yoch.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Philip 2:2

Thoi noh na inh wă kơ iĕm iŏk dôm nơ̆r inh akhan kơ iĕm, wă kơ iĕm đei đon 'mêm mơnat dih băl; păng wă kơ iĕm pôm đon lăm tôm tơdrong, na jơhngơ̆m inh kư̆m chhơp rai loi.

Philip 3:18

Mă-lei iĕm kơchăng hli kơ lu bơngai khan sư lui kơjăp mă ưh kơ 'mêm kơ tơdrong Yêsu lôch tơ 'long pơglang. Đei lơ bơngai thoi noh dang ei, thoi inh roi kơ iĕm boih; mă-lei inh wă roi kơ iĕm dơ̆ng. Tơdrong lu sư pơm, inh sơ'ngon dêh, đon 'brơ̆k đak măt đơng wă hmoi hloi.

Philip 4:1

Yua kơ thoi noh, ơ lu 'nhŏng oh, iĕm athei lui kơjăp thoi noh, na gơh kiơ̆ Kră Yang Yêsu Krist. Inh 'mêm kơ iĕm tơpă păng rơnguơ̆ kơ iĕm dêh 'maih tơ'bơ̆p iĕm dơ̆ng. Yua kơ iĕm lui đơ̆ng inh bơtho oei kiơ̆ khŏm khŏm na jơhngơ̆m inh hiôk dêh dang đe apah kơ tơdrong jang inh tơmam.

Kôlôsê 2:5

Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh hiôk yua kơ inh băt kơ iĕm pôm đon hăm lui kơjăp kơ Yêsu Krist.

I Tes 1:2

Nhôn ling-lang krao khan bơnê kơ 'Bok Kei-Dei yua kơ iĕm lui kơ Sư kơjăp, hăm nhôn apinh Sư tơgŭm iĕm khŏm khŏm.

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

II Yo 1:4

Inh hiôk chơt tơpă kơlih kơ inh kơtơ̆ng lu iĕm mơ'nah kiơ̆ tơdrong 'Bă tơm bơ̆n 'Bok Kei-Dei tơpă, noh thoi 'Bok Kei-Dei pơkă kơ bơ̆n sơ̆.