Philip 1:28 - Sơ̆p Hlabơar Nơ̆r 'Bok Kei-Dei

²⁸ Păng iĕm 'nĕ kơ hli kơ lu bơngai ayăt kơ iĕm. Lu bơngai ayăt băt kơ iĕm ưh kơ hli kơ lu sư, na lu sư băt kơdih bơngai 'Bok Kei-Dei wă phak, băt kơ iĕm bơngai 'Bok Kei-Dei huay kơ hil.

Philip 1:28 Kruisverwysings

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Markôs 3:3

Na Yêsu krao bơngai ti kue ei khan: “Năm tơ âu bĕ, dơ̆ng 'bơ̆t anăp đe tơpôl.”

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Yo 16:8

Lăp Sư jur, Sư tơbăt ăn kơ lu bơngai ala teh âu lu sư đei tơdrong yoch; Sư tơbăt ăn kơ lu sư Inh, Inh 'lơ̆ng tơpăt; păng tơbăt kơ lu sư gah tơdrong 'Bok Kei-Dei wă phak lu bơngai ưh kơ lui kơ Sư.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.