Philip 1:23 - Sơ̆p Hlabơar Nơ̆r 'Bok Kei-Dei

²³ Na inh oei hơwơ̆l kơ 'bar tơdrong 'noh. Wă 'maih iŏk tơdrong lôch, hiôk ră boih oei hơdai hăm Yêsu Krist, mă ưh pă yua kơ iĕm boih.

Philip 1:23 Kruisverwysings

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Luka 12:50

Inh gô đei tơdrong lôch pơmat, na jơhngơ̆m Inh ưh kơ hiôk tơ̆p hloh kơ năr Inh 'nei 'mơ̆i na Inh hiôk.

Luka 23:43

Yêsu khan kơ sư: “Inh khan kơ ih tơpă, năr âu hloi boih ih gô oei hơdai păng Inh tơ Pơlei 'Lơ̆ng 'Bok Kei-Dei.”

Luka 8:38

Lăp Yêsu tŏk tơ thŏng-nan na bơngai mă 'nao klaih kơ wơnh ei apinh kiơ̆ oei păng Yêsu. Mă-lei Yêsu ưh kơ anhăk ba ôh. Sư khan:

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Jang 7:59

Klaih kơ noh lu sư klơ̆m Êtien păng tơmo, wă kơ Êtien lôch. Lăp đơ̆ng ei, Êtien sư krao khan thoi âu: “Ơ Kră Yang Yêsu, apinh Ih iŏk bơhngol inh.”

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

II Kor 6:12

Ưh kơ sĭ nhôn kuă kơ pơm buăl hăm iĕm ôh, hli kơ iĕm đĕch kuă kơ pơm buăl hăm nhôn.

Philip 1:24

'Maih iŏk gah tơdrong arih, kư̆m hiôk tơpă, kăl tơpă, yua kơ inh oei gơh jang tơgŭm iĕm, wă kơ iĕm lui kơjăp.

I Tes 2:1

Ơ 'nhŏng oh, iĕm kư̆m băt mơ̆n nhôn năm tơ iĕm ki đei yua kơ lu iĕm tơpă.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 4:17

Klaih kơ noh na 'Bok Kei-Dei atŏk dôm lu bơngai mă lui kơ Sư mă oei arih păng dôm lu bơngai 'nao iung đơ̆ng lôch, tŏk hơdai lăm hơmơ̆l truh tơ rơwơ̆ng ti na tơ'bơ̆p hloi Kră Yang Yêsu tơ ei, oei hơdai păng Sư ling-lang ling-lang ưh kơ đei layơ tôch.

II Tim 4:6

Gah inh arih ưh pă nhoi boih. Đe wă jê̆ pơlôch inh boih, pham inh thoi lĕ kơ pham tơmam đe wă soi sơmah, na dang ei inh wă tơklah đơ̆ng iĕm boih.

Tơdrông Tơ'bôh 14:13

Păng inh kơtơ̆ng dơ̆ng nơ̆r pơma đơ̆ng plĕnh Sư khan kơ inh thoi âu: “Inh wă kơ ih chih tơdrong âu: Lu bơngai mă lui boih kơ Kră Yang mă sư lôch kơnh pơgê dah layơ sư hiôk boih.” Na Yang Bơhngol 'Lơ̆ng tơl Sư: “Tơpă gô hiôk thoi Sư khan, yua kơ lu sư dang pơdơh kơ tơdrong jang pơmat-tat tơ ala teh âu. Mă-lei mă sư jang pơmat-tat gleh glăn tơ ala teh âu dang yơ, 'Bok Kei-Dei kư̆m ưh kơ hiơt tơdrong sư jang hrat noh ôh.”