Philip 1:17 - Sơ̆p Hlabơar Nơ̆r 'Bok Kei-Dei

¹⁷ Mă gah lu bơngai bơtho tơgar noh, lu sư bơtho yua kơ lu sư 'nhĕng inh đĕch na lu sư bơtho. Ưh kơ sĭ lu sư wă bơtho tơpă ôh. Lu sư bơtho pơ'nhĕng inh wă kơ inh sơ'ngon rai dêh kơplah đe oei phak inh âu.

Philip 1:17 Kruisverwysings

Luka 21:14

Iĕm 'nĕ kơ mah tơchĕng hơdrol kơ tơdrong iĕm wă pơma dŏng akâu iĕm kơdih 'bơ̆t anăp lu sư,

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

Rom 2:8

Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

Philip 1:18

Mă-lei huay ôh, mă lu sư bơtho tơpă dah lu sư wă bơtho pơ'nhĕng inh, kư̆ kơ lu sư bơtho tơdrong Yêsu Krist đĕch, inh kư̆m hiôk mơ̆n.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.