Philip 1:16 - Sơ̆p Hlabơar Nơ̆r 'Bok Kei-Dei

¹⁶ sư bơtho tơpă mơ̆n yua kơ sư 'mêm kơ Yêsu tơpă păng sư kư̆m 'mêm kơ inh mơ̆n na sư bơtho tơgŭm inh. Lu sư băt kơ 'Bok Kei-Dei ăn kơ inh oei tơ hnam phak wă kơ inh pơjah pơjăng hăm đe gah tơdrong 'nao 'lơ̆ng.

Philip 1:16 Kruisverwysings

Jop 16:4

Tơdah iĕm đei tơdrong gleh truh thoi inh. Inh kư̆m gơh pơma thoi iĕm mơ̆n; trŏ kơ inh kư̆m gơh pơma hil plơ̆ kơ iĕm păng tơtreh kơ̆l kơ iĕm.

Jop 6:14

“Bơngai rơdu ơh sơ'ngon kăl kơ đei 'bôh buăl tơgŭm pơlung, mă khan bơngai noh hiong tơdrong hli yom kơ Kră Yang Tih Hloh.

Horiso 69:26

Yua kơ lu sư pơmat lu bơngai mă Kră Yang teh boih, Păng lu sư chă roi tơdrong pơmat-tat lu bơngai mă Ih ăn đei rơka.

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

Philip 1:12

Ơ lu 'nhŏng oh, inh wă roi tơbăt kơ iĕm tơdrong âu: Mă dang ei đe oei phak inh, tơdrong 'nao 'lơ̆ng Yêsu Krist rai kơtơ̆ng lơ bơngai nai. Ưh kơ sĭ inh pă gơh bơtho boih ôh. Đe phak inh rai pơyua inh gơh bơtho lơ lu bơngai mă oei tăp dăr kơ inh.

Philip 1:5

yua kơ iĕm tơgŭm inh đơ̆ng inh lăp pơtơm jang tơ pơlei iĕm sơ̆ khơ̆ dang ei.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 2:22

Mă-lei iĕm băt boih kơ Timôthê sư bơngai 'lơ̆ng tơpă; sư jang tơgŭm inh bơtho tơdrong Yêsu Krist, thoi lĕ kơ kon jang tơgŭm 'bă.

Philip 4:15

Ơ lu 'nhŏng oh mă oei tơ Pơlei Philip, rŏ lăng iĕm kư̆m băt boih, kơplah inh pơtơm bơtho kơ iĕm tơdrong 'nao 'lơ̆ng Yêsu sơ̆, 'bơ̆t mă inh achăng lê̆ dêh char Masêđôn iĕm, inh năm tơ nai, ưh kơ đei bơngai lui pơlei ayơ tơgŭm mơnat kơ inh tơmam, mă khan inh jang tơgŭm lu sư ră; lăp pôm pơlei iĕm đĕch băt kơ tơgŭm mơnat kơ inh tơmam.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.