Philip 1:11 - Sơ̆p Hlabơar Nơ̆r 'Bok Kei-Dei

¹¹ Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 1:11 Kruisverwysings

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Yo 15:8

Dah iĕm đei plei trem iĕm bơngai kiơ̆ Inh tơpă păng đe gô 'bôh iĕm pơm thoi noh na đe ư-ang kơ 'Bă Inh tơpă.

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

II Tes 1:12

Kơlih kơ iĕm lui kơjăp thoi noh boih na đe ư-ang Kră Yang bơ̆n Yêsu. Păng Sư gô ăn kơ iĕm oei hơdai hăm Sư ning-mônh hiôk hơiă tơpă. Kră Yang bơ̆n 'Bok Kei-Dei păng Yŏng bơ̆n Yêsu Krist, Sư boih ăn kơ lu iĕm lui kơjăp thoi noh.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Hêbrơ 12:11

Kơplah bơ̆n đei tơdrong bơtho pơjĭ, bơ̆n mơn kơ chhŭr nuih ưh kơ hiôk ôh. Mă-lei tơ̆ng bơ̆n băt kơ chu yom, bơ̆n gô jing bơngai 'lơ̆ng tơpăt hiôk hơiă tơpă.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.