Ob 1:5 - Sơ̆p Hlabơar Nơ̆r 'Bok Kei-Dei

⁵ Ô! Tơdrong răm tih gô truh kơ ih. Tơdah lu bơngai truh tơtông, tơgar đơ̆ng kơmăng, hăm trŏ lu sư tơtông iŏk lăp kơ mah đĕch? Tơdah lu bơngai phĕ plei hơmu năm truh tơ ih, hăm trŏ lu sư wơ̆l minh 'bar hơie?

Ob 1:5 Kruisverwysings

II Sam 1:19

Ơ bơngai mă iĕm ư-ang, ơ Isơrael Đĭ lôch hiong lăm kông kŏ! Ôi lu bơngai nuih kơtang 'nâu lôch boih.

Êsai 14:12

Ơ sơnglŏng wŏng-tar, kon drŏ-nglo pơgê hrôih, lơliơ mă ih đơ̆ng kơpal plĕnh ti huŏng tơ ala teh âu! Ơ lu bơngai chă pơrăm lu teh đak, liơ mă đe tơhuŏng lê̆ ih tơ ala teh âu!

Êsai 17:6

Mă-lei kư̆m oei đei 'ba hiơt tơ noh. Thoi kơ đe gơgŭ tơm plei 'long ôliwơ, plei sư kư̆m oei đei 'bar pêng tŏ tơ kơnhŏng wĕch ti, dah mă kư̆m oei puăn pơđăm tŏ plei tơ dơng sư. Kră Yang đe Isơrael khan.

Êsai 24:13

Adrĕch adrung kon bơngai oei kơpal teh âu gô đei thoi noh. Nhen thoi tơm 'long ôliwơ đĭ hơlŭng đơ̆ng đe gơgŭ păng thoi đe chă mok plei hơmu đơ̆ng rŏng kơ bơyan đe phĕ plei.

Je 49:9

Lu bơngai phĕ hơmu truh tơ mir iĕm, hăm trŏ lu sư phĕ oei lê̆ plei tŏ sĕt ưh? Lu bơngai phĕ tơtông kơmăng, hăm trŏ lu sư phĕ tơtông lăp mah kơ lu sư đĕch?

Je 50:23

Ô lăng deh, đe teh tơgơ̆ pơchah boih Babilôn sư thoi mut teh pơrăm jơ̆p kơ teh đak! Babilôn jing juơ rơ̆m rĕk lăm teh đak, lăng krưp.

Je 6:9

Kră Yang Tih Hloh khan: “Đe gô dônh pơpôi đĭ lu kon pơlei Isơrael mă oei oei thoi đe dônh plei hơmu. Chro ti 'mơn phĕ hơlơ̆k dơ̆ng bĕ, thoi đe phĕ plei hơmu.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Ob 1:9

Ơ char Têman dôm lu linh nuih kơtang ih gô hơwơ̆l hơwang, thoi noh na đe gô pơlôch đĭ lu drŏ-nglo đơ̆ng kông Êsâu lăm ei.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Both 24:21

Kơplah iĕm phĕ plei hơmu, 'nĕ kơ chă phĕ hơlơ̆k dơ̆ng lu plei oei đei, noh lê̆ kơ lu bơngai tơmoi, lu bơngai mơti păng lu yă adro.

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”