Mathiơ 9:4 - Sơ̆p Hlabơar Nơ̆r 'Bok Kei-Dei

⁴ Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Mathiơ 9:4 Kruisverwysings

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Markôs 12:15

Bơ̆n wă chu ăn dah ưh? Lu sư pơma thoi noh, Yêsu băt kơ lu sư wă plơ̆ plĕch kơ Sư na Sư khan kơ lu sư: “Yua kơ kiơ iĕm wă jet pơlong lăng Inh? Iĕm ăn kơ Inh minh hlak jên iĕm tơ âu wă kơ Inh lăng.”

Markôs 2:8

Yêsu băt hloi kơ lu sư pơma mơmơnh lăm đon lu sư, jô̆ kơ Sư tơdrong 'noh, na Yêsu khan kơ lu sư: “Yua kơ kiơ iĕm pơma mơmơnh lăm đon thoi noh lĕ?

Luka 11:17

Yêsu băt kơ lu sư jô̆ kơ Yêsu khan yang kơnê̆ tơgŭm na Yêsu khan kơ lu sư: “Dah minh pôm teh đak tơblah dih băl, lei teh đak noh gô pơchah hiong tôch. Dah minh pôm hnam dơnŏ tơblah băl, lei hnam dơnŏ noh kư̆m gô hiong.

Luka 5:22

Yêsu băt hloi kơ lu sư pơma mơmơnh lăm to, jô̆ kơ Sư tơdrong noh na Yêsu khan thoi âu: “Yua kơ kiơ iĕm pơma mơmơnh lăm to iĕm thoi noh lĕ?

Luka 6:8

Mă-lei Yêsu băt hloi kơ lu sư tơchĕng lăm to thoi noh na Sư khan kơ bơngai ti kue ei: “Năm tơ âu bĕ, dơ̆ng 'bơ̆t anăp đe tơpôl.” Na bơngai kue ei iung hloi năm dơ̆ng 'bơ̆t anăp đe tơpôl.

Luka 7:40

Na Yêsu khan hloi kơ sư: “Ơ Simôn, Inh wă khan kơ ih.” Na Simôn tơl: “Ơ 'Bok Thây, Ih wă khan kiơ kơ inh?”

Yo 16:19

Yêsu băt kơ lu sư wă jet Sư tơdrong 'noh na Sư khan kơ lu sư thoi âu: “Inh khan pă 'biơ̆ noh, lu iĕm ưh pă 'bôh Inh boih, na đơ̆ng rŏng kơ noh ưh kơ đunh mơ̆n, iĕm gô 'bôh Inh dơ̆ng; hăm trŏ tơdrong noh ưh, iĕm jet dih băl hei?

Yo 16:30

Na dang ei nhôn băt kơ Ih, băt tôm tơdrong păng nhôn ưh pă kăl jet Ih dơ̆ng. Thoi noh boih na nhôn lui kơ Ih jur đơ̆ng 'Bok Kei-Dei tơpă.”

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Yo 6:61

Mă-lei Yêsu băt kơdih lu bơngai ei pơma mơmơnh kơ tơdrong Sư bơtho hei. Na Yêsu khan kơ lu sư: “Inh bơtho thoi noh hei trŏ tơpă, mă-lei iĕm ơh hă?

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.