Mathiơ 9:11 - Sơ̆p Hlabơar Nơ̆r 'Bok Kei-Dei

¹¹ Lu bơngai Pharisi 'bôh thoi noh na jet lu bơngai pơhrăm păng Sư thoi âu: “Yua kơ kiơ Yêsu sŏng sa hơdai păng lu bơngai iŏk jên thuê̆ hăm lu bơngai pơm yoch?”

Mathiơ 9:11 Kruisverwysings

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Mathiơ 9:10

Đơ̆ng noh na Yêsu năm sŏng sa tơ hnam Mathiơ. Tơ ei đei lơ bơngai iŏk jên thuê̆ hăm bơngai pơm yoch sŏng sa hơdai Yêsu hăm lu bơngai pơhrăm păng Sư.

Markôs 2:16

Na lu 'bok thây bơtho tơdrong juăt đe Juđê gah khŭl đe Pharisi 'bôh Yêsu sŏng sa hơdai lu đe noh, na lu sư jet lu bơngai pơhrăm păng Yêsu: “Kơlih kơ kiơ Yêsu Sư sŏng sa hơdai lu bơngai iŏk jên thuê̆ hăm lu bơngai pơm yoch?”

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”

Luka 5:30

Na lu bơngai Pharisi păng lu 'bok thây bơtho tơdrong juăt đe Juđê khan kơ lu bơngai pơhrăm păng Yêsu thoi âu: “Yua kơ kiơ iĕm sŏng sa hơdai hăm lu bơngai iŏk jên thuê̆ păng lu bơngai pơm yoch?”

Jang 11:3

“Lơliơ ih năm hơpong kơ lu bơngai tơmoi mă ưh kơ kăt tơdra akar thoi bơ̆n? Ih kư̆m sŏng sa păng lu sư tăm.”

Galati 2:15

Nhôn bơngai Juđê đơ̆ng mĕ bơ̆n tơpŭ. Nhôn ưh kơ sĭ bơngai nai ôh. Nhôn kiơ̆ tơdrong juăt 'Bok Kei-Dei pơkă, lu bơngai nai ưh kơ kiơ̆ ôh.

Hêbrơ 5:2

Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

II Yo 1:10

Bơngai bu năm ngôi hơpong tơ iĕm, na sư bơtho iĕm ưh kơ trŏ thoi Yêsu Krist bơtho, bơngai 'noh iĕm 'nĕ kơ sơng iŏk sư mơ̆t tơ hnam iĕm. Păng lăp sư wă brŏk iĕm 'nĕ khan kơ sư khan: Yak mă 'lơ̆ng kơ ih.