Mathiơ 8:3 - Sơ̆p Hlabơar Nơ̆r 'Bok Kei-Dei

³ Na Yêsu chro ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Mathiơ 8:3 Kruisverwysings

Bl 1:3

Kră Yang 'Bok Kei-Dei khan thoi âu: “Athei đei hơdah,” na đei hloi hơdah;a

II Pot 5:11

Mă-lei Naaman hil, sư năm rah jŏk rah: “Inh tơchĕng hli kơ akâu sư kơdih hloi năm sơng inh, dơ̆ng 'bơ̆t ei krao apinh Kră Yang 'Bok Kei-Dei, iŏk ti sư pel hloi 'bơ̆t rơka jĭ chin, hơli 'ma 'ngiĕo, pơklaih jĭ chin inh.

II Pot 5:14

Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Le 4:7

Kră Yang khan dơ̆ng: Dan ti ih tơ kơtơh dơ̆ng; na sư dan hloi tơ kơtơh, achăng ti sư lăng 'bôh sĕch akar sư thoi so.

Mathiơ 12:13

Đơ̆ng noh na Yêsu khan kơ bơngai ti kue: “Chro ti ih bĕ.” Na bơngai ti kue ei chro ti sư klaih hloi thoi ti 'lơ̆ng.

Markôs 1:41

Yêsu lăng mơnat kơ bơngai 'noh na chro ti pel bơngai 'noh păng khan: “Inh wă tơpă pơklaih ih, Inh pơklaih ih dang ei.”

Markôs 4:39

Na Sư iung khă hloi kial păng khan kơ đak dơsĭ: “Thĕng bĕ, păt bĕ.” Kial thĕng hloi, đak poh-yă kư̆m pă adrŏ adrĕnh.

Markôs 5:41

Yêsu rôp ti sư păng khan kơ sư hăm nơ̆r Juđê: “Talitha kumi,” wă khan: “Ơ mŏ adruh iĕ, Inh râu e, iung bĕ.”

Markôs 7:34

Klaih kơ noh Yêsu ngoi tơ plĕnh na tơhôih hăm khan kơ bơngai ei păng nơ̆r Juđê: “Eppatha” wă khan: “Đon ih hơbăng boih.”

Markôs 9:25

Yêsu 'bôh đe tơpôl rĭ rai jê̆ Sư na Sư wă jah keh tơdrong 'noh. Na Sư pơpuh hloi yang kơnê̆ ei khan: “Ơ yang kơnê̆ ngăl pơm kơ đe kơmlo păng klĭk, Inh pơpuh e lĕch jăk đơ̆ng sư âu, 'nĕ pă mơ̆t oei lăm akâu sư dơ̆ng.”

Luka 4:27

Kư̆m thoi noh mơ̆n, kơplah Êlisê pơtruh nơ̆r 'Bok Kei-Dei tơ dêh char Isơrael âu sơ̆ đei lơ bơngai jĭ chin lăm dêh âu. Mă-lei Êlisê ưh kơ đei pơklaih lu sư ôh. Sư pơklaih pôm 'bok Naman, bơngai đơ̆ng dêh char Siri đĕch, sư dêh char tơmoi mơ̆n.”

Luka 5:13

Na Yêsu chro hloi ti pel bơngai ei păng khan: “Inh wă tơpă pơklaih ih, Inh pơklaih ih dang ei.” Na bơngai jĭ ei klaih kơtă hloi.

Luka 7:14

Na Yêsu hơloh năm pel hơbang, na lu bơngai tung hơbang 'nei dơ̆ng. Yêsu khan kơ bơngai lôch 'nei khan: “Ơ dăm, iung bĕ ih.”

Yo 11:43

Klaih kơ noh Yêsu pơma 'bơ̆r re khan: “Ơ Lasarơ, iung đơ̆ng bơsat bĕ, lĕch tơ 'ngoaih âu.”

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.