Mathiơ 8:2 - Sơ̆p Hlabơar Nơ̆r 'Bok Kei-Dei

² Kơplah noh đei minh 'nu bơngai jĭ chin năm jê̆ Sư sơtơ̆p kŭl-tăng păng khan: “Ơ 'Bok, dah Ih wă, Ih gơh pơklaih inh.”

Mathiơ 8:2 Kruisverwysings

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

II Pot 15:5

Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

II Pot 5:27

Yua kơ thoi noh bơih, jĭ chin Naaman gô hơpoh tơ ih păng adrĕch adrung ih ling-lang ưh kơ layơ tôch.” Gêhasi weh hloi đơ̆ng Êlisê, 'bơm hloi chin tơbôk thoi prĕl.

Jo 12:10

Kơplah hơmơ̆l tŏk đông đơ̆ng Bơsŭn Anih Akŭm, na Miriam 'bơm kơnê̆ jĭ chin 'bĕnh akâu tơkhôih nhen prĕl, Arôn lăng tơ Miriam, 'bôh sư đĭ jĭ chin boih.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Mathiơ 13:58

Yêsu ưh kơ wă pơm tơ'bôh tơdrong mơsêh tơ pơlei Sư lơ ôh, yua kơ pơlei pơla Sư kuă lui kơ Sư.

Mathiơ 14:33

Lu bơngai pơhrăm păng Sư oei lăm thŏng-nan sơtơ̆p kŭl-tăng kơkuh kơ Sư păng khan: “Ih Kon 'Bok Kei-Dei tơpă.”

Mathiơ 15:25

Na bơngai drŏ-kăn ei kơkuh 'nap 'bơ̆t anăp Sư păng khan: “Ơ 'Bok, apinh Ih mơnat tơgŭm inh 'biơ̆ bĕ.”

Mathiơ 18:26

Na bơngai mă hre kơ sư ei sơtơ̆p kŭl-tăng kơkuh kơ 'bok pơtao. Sư khan: ‘Ơ 'bok, apinh ih gô 'biơ̆, inh gô duh kơ ih tôm.’

Mathiơ 2:11

Lu sư mơ̆t lăm hnam na 'bôh hloi kon nge 'noh hăm mĕ Sư Mari. Lu sư sơtơ̆p kŭl-tăng kơkuh kơ Yêsu păng iŏk 'bar anăn pơgang 'bâu phu hăm maih đơ̆ng lăm kơdŭng lu sư pơyơ̆r kơ Yêsu.

Mathiơ 20:20

Hơtai ei akăn Sêbêđê năm tơ Yêsu yak hơdai kon sư bre Yakơ hăm Yôhan. Na sư sơtơ̆p kŭl-tăng kơkuh kơ Yêsu apinh Yêsu tơgŭm sư.

Mathiơ 26:6

Yêsu oei tơ hnam Simôn, bơngai mă đêl jĭ chin tơ Pơlei Bethani.

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Mathiơ 28:9

Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Mathiơ 4:9

Na yang Satan khan kơ Sư: “Dah Ih chu drap tơ teh kơkuh kơ inh, lei inh gô pơjao ăn kơ Ih đĭ-đăng kơ teh đak âu hloi.”

Mathiơ 8:1

Lăp Yêsu jur đơ̆ng kông lu bơngai tơpôl lơ noh kư̆m jur kiơ̆ Sư mơ̆n.

Mathiơ 8:25

Na lu đe ei năm râu Yêsu khan: “Ơ 'Bok, dŏng bơ̆n bĕ, bơ̆n wă lôch kơ đak lơ̆p.”

Mathiơ 9:18

Kơplah Yêsu oei pơma tơdrong 'noh, na blư 'bôh minh 'nu kră wei-lăng hnam akŭm đe Juđê sơtơ̆p kŭl-tăng kơkuh păng khan: “Kon adruh inh 'nao lôch, inh apinh Ih năm chro ti pel akâu sư wă kơ sư iung arih dơ̆ng.”

Luka 4:27

Kư̆m thoi noh mơ̆n, kơplah Êlisê pơtruh nơ̆r 'Bok Kei-Dei tơ dêh char Isơrael âu sơ̆ đei lơ bơngai jĭ chin lăm dêh âu. Mă-lei Êlisê ưh kơ đei pơklaih lu sư ôh. Sư pơklaih pôm 'bok Naman, bơngai đơ̆ng dêh char Siri đĕch, sư dêh char tơmoi mơ̆n.”

Yo 9:38

Na bơngai 'nao klaih măt tol ei hloi sơtơ̆p kŭl-tăng 'bơ̆t anăp Yêsu păng khan: “Ơ 'Bok, inh lui kơ Ih.”

Jang 10:14

Mă-lei Pêtrôs khan: “Ơ Kră Yang, inh ưh kơ gơh sa ôh, yua kơ inh ưh kơ lah sa lu tơmam âu, kơlih kơ tơdrong juăt nhôn giĕng ưh kơ gơh sa.”

Jang 10:25

Lăp Pêtrôs truh tơ 'măng dur sư, na Kôrnei năm tơ anăp Pêtrôs. Kôrnei sơtơ̆p kŭl-tăng kơkuh kơ sư.

I Kor 14:25

Păng dah lu sư băt kơdih bơngai yoch tih dang yơ, lu sư kư̆m sơtơ̆p kŭl-tăng kơkuh hli kơ 'Bok Kei-Dei mơ̆n păng lu sư kư̆m băt kơ iĕm bơngai 'Bok Kei-Dei tơgŭm.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”