Mathiơ 7:3 - Sơ̆p Hlabơar Nơ̆r 'Bok Kei-Dei

³ Lơliơ iĕm jô̆ kơ 'nhŏng oh iĕm đei tơdrong yoch mă iĕm đei tơdrong yoch tih hloh kơ sư dơ̆ng, dang iĕm 'bôh 'bruih iĕ đom lăm klong măt 'nhŏng oh iĕm, mă iĕm ưh kơ mơn kơ 'long tih oei đom lăm klong măt iĕm kơdih?

Mathiơ 7:3 Kruisverwysings

Mathiơ 7:4

Lơliơ iĕm pơ̆n khan kơ 'nhŏng oh iĕm khan: ‘Lê̆ inh iŏk 'bruih đom lăm klong măt ih,’ lăm klong măt iĕm kơdih 'long tih đom ră mă-lei kơdih iĕm ưh kơ mơn?

Mathiơ 7:5

Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Luka 18:11

Na 'bok bơngai Pharisi ei dơ̆ng dơ'nhơ̆ng ngoi tơ plĕnh krao khan lăm to khan: ‘Ơ 'Bok Kei-Dei, inh bơnê kơ Ih yua kơ inh ưh kơ sĭ bơngai thoi đe nai ôh. Inh ưh kơ sĭ bơngai ưh kơ tơpăt, chă pơgâm sa đe ôh. Inh ưh kơ ngôi kư̆ kă ôh. Inh kư̆m ưh kơ sĭ thoi lĕ bơngai chă iŏk jên thuê̆ 'noh ôh.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.