Mathiơ 7:21 - Sơ̆p Hlabơar Nơ̆r 'Bok Kei-Dei

²¹ “Ưh kơ sĭ dôm lu bơngai mă krao Inh Kră Yang gơh mơ̆t tơ dêh char 'Bok Kei-Dei pơđĭ ôh. Pôm lu bơngai mă lui kiơ̆ kơ 'Bă Inh đĕch gơh mơ̆t tơ dêh char Sư noh.

Mathiơ 7:21 Kruisverwysings

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 18:19

Inh khan dơ̆ng thoi âu, dah 'bar 'nu bre bu oei tơ teh âu pôm đon dih băl krao khan wă apinh Sư tơdrong kiơ, 'Bă bơ̆n mă oei tơ plĕnh ti Sư gô asong tơdrong bre bu mă apinh noh tơpă.

Mathiơ 18:3

Na Yêsu khan: “Iĕm lăng bơngai 'lơ̆p âu sư ưh kơ đei layơ pơma pơang akâu kơdih. Inh khan kơ iĕm tơpă, dah iĕm khan wă kơ 'Bok Kei-Dei pơgơ̆r iĕm, lei iĕm athei tơplih ming jơhngơ̆m đon iĕm kiơ̆ thoi bơngai 'lơ̆p âu.

Mathiơ 18:35

Tơdrong 'noh thoi noh boih, na 'Bă bơ̆n tơ plĕnh ti gô pơm kơ iĕm thoi noh mơ̆n, dah iĕm ưh kơ mơnat kơ tơdrong yoch 'nhŏng oh iĕm hăm đĭ jơhngơ̆m.”

Mathiơ 19:24

Inh khan kơ iĕm thoi âu dơ̆ng, aseh lăk-đa mơ̆t bơlôh jrŭm 'bônh 'biơ̆ kơ bơngai mơdrŏng wă mơ̆t tơ dêh char 'Bok Kei-Dei.”

Mathiơ 25:10

Na lu sư năm răt. Kơplah lu sư năm răt na bơngai mă 'nao iŏk akăn truh boih, lu pơđăm 'nu adruh mă kơchăng noh mơ̆t kiơ̆ hloi sư tơ hnam đe pơkong sŏng sa, na đe tang chơkăl hloi 'măng.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Markôs 3:35

Bu pơm kiơ̆ kơ 'Bok Kei-Dei, bơngai 'noh dang 'nhŏng oh Inh păng mĕ Inh.”

Markôs 9:47

Dah minh pah măt iĕm pơm kơ iĕm yoch, kuek hŭt minh pah măt iĕm 'noh, na oei pă minh pah 'noh iĕm gơh mơ̆t oei lăm dêh char 'Bok Kei-Dei. 'Noh 'lơ̆ng hloh kơ iĕm oei tôm 'bar pah măt, mă-lei wă huŏng lăm dơnâu ŭnh.

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Luka 18:25

Aseh lăk-đa mơ̆t bơlôh jrŭm 'bônh 'biơ̆ kơ bơngai mơdrŏng wă mơ̆t tơ dêh char 'Bok Kei-Dei.”

Luka 6:46

“Yua kơ kiơ iĕm krao Inh Yŏng iĕm, mă-lei iĕm kuă kơ pơm kiơ̆ kơ đon Inh bơtho?

Yo 14:7

Dah iĕm băt kơ Inh, iĕm kư̆m băt kơ 'Bă Inh mơ̆n. Đơ̆ng dang ei hloi iĕm băt kơ Sư păng iĕm 'bôh Sư.”

Yo 15:23

Bơngai bu hil areh kơ Inh, bơngai 'noh hil areh kơ 'Bă Inh mơ̆n.

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Êphêsô 6:6

Iĕm athei jang mă tơpă ngê̆ kiơ kơ yŏng iĕm gŏk gô na jang, iĕm kư̆ kơ jang mă 'lơ'lŏ jang mă tơpăt đĕch na 'Bok Kei-Dei bơnê. Mă khan iĕm jang kơ sư kư̆m dang jang kơ Yŏng bơ̆n Yêsu mơ̆n.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Tes 4:3

Kră Yang 'Bok Kei-Dei wă kơ bơ̆n đei đon 'lơ̆ng tơpăt. Sư ưh kơ wă kơ bơ̆n pơm pơyô kư̆ kă ôh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

I Pet 2:15

'Bok Kei-Dei wă kơ bơ̆n pơm 'lơ̆ng ling-lang, thoi noh na lu bơngai ưh kơ hlôh pơŏm 'bơ̆r huay pă pơma kơ bơ̆n dơ̆ng.

I Pet 4:2

Kơplah bơ̆n oei arih tơ ala teh âu, bơ̆n 'nĕ pă kiơ̆ kơ jơhngơ̆m đon wă, bơ̆n athei kiơ̆ kơ 'Bok Kei-Dei wă đĕch.

Tơdrông Tơ'bôh 2:27

Bơngai noh jing 'bok pơgơ̆r chĕp 'long jra mam, sư pơgơ̆r teh đak đe pran kơtang, teh đak đe gô pơchah răm thoi gŏ teh.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.