Mathiơ 7:16 - Sơ̆p Hlabơar Nơ̆r 'Bok Kei-Dei

¹⁶ Iĕm băt kơ sư bơngai kơnê̆, yua kơ iĕm 'bôh tơdrong kơnê̆ sư pơm. Kư̆m thoi lu 'long, khŭl 'long jơla ưh kơ gơh pơjing plei hơmu ôh; thoi lĕ kơ 'long bơmrôm sư ưh kơ gơh pơjing plei hơra ôh.

Mathiơ 7:16 Kruisverwysings

Tơdrông Pơđơk 20:11

Mă hơ'lơ̆p bơ̆n gơh 'bôh sư liơ, noh đơ̆ng sư pơm. Sư rơgoh 'lơ̆ng, dah tơpăt.

Mathiơ 12:33

“Iĕm băt boih, tơnơm 'lơ̆ng ling-lang pơjing plei 'lơ̆ng. Tơnơm kơnê̆ pơjing plei kơnê̆. Bơ̆n băt kơ 'long 'lơ̆ng dah ưh, bơ̆n lăng plei sư.

Mathiơ 7:20

Kư̆m thoi lu 'long 'noh mơ̆n, lu bơngai hơlĕnh khan sư pơtruh nơ̆r 'Bok Kei-Dei, bơ̆n 'bôh dôm tơdrong kơnê̆ sư pơm na bơ̆n băt sư bơngai kơnê̆.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Ya 2:18

Pơtih gia đei 'bar 'nu bơngai pơma dih băl khan: “Ih khan ih klaih yua kơ ih lui. Inh klaih yua kơ inh kư̆m pơm 'lơ̆ng kơ tơdrong juăt 'Bok Kei-Dei.” 'Bar tơdrong noh, tơdrong ayơ wă kơ đe băt kơ bơ̆n lui tơpă? Bơ̆n athei pơm 'lơ̆ng tôm tơdrong na đe băt kơ bơ̆n lui tơpă.

Ya 3:12

Ơ 'nhŏng oh, bĭ 'long hơra hăm gơh pơjing plei hơmu, 'long hơmu hăm gơh pơjing plei hơra? Ưh ôh. Na tu đak kư̆m lei-lăi, đak 'băt 'boh ưh kơ gơh pơjing đak sơngiĕo 'lơ̆ng ôh. Na thoi yơ bơngai kơnê̆ gơh pơma tơdrong 'lơ̆ng?

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.