Mathiơ 6:3 - Sơ̆p Hlabơar Nơ̆r 'Bok Kei-Dei

³ Dah iĕm wă tơgŭm đe tơmam, dah jên, iĕm 'nĕ roi kơ đe, mă bôl juăt kơdih kư̆m 'nĕ kơ roi.

Mathiơ 6:3 Kruisverwysings

Mathiơ 12:19

Mă-lei Sư ưh kơ chă pơjah pơjăng hăm đe, ưh kơ pơma pơret ôh, Kư̆m ưh kơ bơtho đe tơ anih kư̆ kă rok trong dah rok cham kon pơlei wă kơ đe ư-ang kơ Sư ôh.

Mathiơ 6:2

Yua thoi noh na mưh iĕm wă tơgŭm đe tơmam, dah jên, iĕm 'nĕ ăn 'bơ̆t anăp đe bôl buăl 'bôh thoi lu bơngai pơang akâu kơdih lu sư chă ăn kơ đe tơmam tơ hnam akŭm 'Bok Kei-Dei, tơ kơphô̆, tơ kơchơ, wă kơ đe ư-ang kơ sư khan sư bơngai băt tơgŭm đe. Inh khan kơ iĕm tơpă, lu bơngai mă pơang kơ đe thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:4

Iĕm thĕng đĕch mă-lei 'Bă bơ̆n tơ plĕnh ti 'bôh boih tơdrong iĕm pơm 'noh, thoi noh na Sư gô bơnê kơ iĕm tơpă.

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Mathiơ 9:30

Đang Yêsu pơma thoi noh, na măt bre sư klaih hloi. Yêsu khan tơdrăp kuă ăn bre sư roi kơ đe ră.

Markôs 1:44

“Ih 'nĕ chă roi kơ đe hŏ. Dang ei ih klaih boih na ih năm tơ'bôh akâu ih kơ 'bok soi păng soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Yo 7:4

Dah bơ̆n wă kơ đe băt kơ tơdrong jang bơ̆n, na bơ̆n ưh kơ gơh ôn tơdrong jang bơ̆n ôh. Dah Ih gơh pơm tơdrong mơsêh mơyang tơpă lei Ih athei pơm tơ'bôh 'bơ̆t anăp đe lơ wă kơ đe băt kơ Ih.”