Mathiơ 5:23 - Sơ̆p Hlabơar Nơ̆r 'Bok Kei-Dei

²³ Thoi noh na dah iĕm đei tơmam kiơ kiơ wă pơyơ̆r tơ hnam 'Bok Kei-Dei, na iĕm 'blŏk kơ 'nhŏng oh iĕm đei tơdrong ơh kơ iĕm,

Mathiơ 5:23 Kruisverwysings

Bl 41:9

Bơngai mă jang lăng hơmet đak nhă khan kơ Pharaôn thoi âu: Dang ei inh 'blŏk kơ tơdrong yoch inh.

I Pot 2:44

Pơtao Sôlômôn khan dơ̆ng kơ Simei: “Ih băt bơih păng oei 'blŏk mơ̆n lăm jơhngơ̆m dôm tơdrong ih pơm kơnê̆ kơ Đawit, 'bă inh. Dang ei Kră Yang gô tơwih plơ̆ dôm tơdrong kơnê̆ ih pơm noh tơ kơpal kơ̆l ih.

Nhom 3:20

Bơhngol inh oei 'blŏk păng hach răm inh.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Hôsia 6:6

Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.

Mathiơ 23:19

Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.

Mathiơ 5:24

iĕm 'măn lê̆ tơmam lăm noh, lĕch kơdâu năm pơlung sư 'mơ̆i, na mơ̆t pơyơ̆r tơmam iĕm noh.

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 11:25

Kơplah iĕm krao khan, iĕm 'nĕ kơ jô̆ yo mă iĕm đei tơdrong ơh păng bu bu ră, na mă 'Bă tơm bơ̆n kơpal plĕnh ti huay kơ jô̆ yo tôm tơdrong yoch iĕm.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.