Mathiơ 5:18 - Sơ̆p Hlabơar Nơ̆r 'Bok Kei-Dei

¹⁸ Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Mathiơ 5:18 Kruisverwysings

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 111:8

Kơjăp ling-lang, wă pơm kiơ̆ lăm tơdrong sĭt tơpă păng tơpăt.

Horiso 119:152

Kư̆ kiơ̆ kơ nơ̆r Ih bơtho, inh băt boih đơ̆ng sơ̆: Ih pơjing nơ̆r tơtă noh oei oei ling-lang.

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Mathiơ 10:42

Bơngai bu asong minh kơchŏk đak nhă kơ lu bôl bơ̆n mă pơm iĕ âu yua kơ bôl bơ̆n kiơ̆ Inh, bơngai 'noh 'Bok Kei-Dei gô apah sư tơpă.”

Mathiơ 11:11

Inh khan kơ iĕm tơpă, Yôhan sư tih hloh kơ đĭ-đăng bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.

Mathiơ 13:17

Inh khan kơ iĕm tơpă, đei lơ bơngai pơtruh nơ̆r 'Bok Kei-Dei păng lơ bơngai lui kơ 'Bok Kei-Dei sơ̆ sơdơ̆r kơ 'bôh tơdrong iĕm 'bôh dang ei ră mă-lei lu sư ưh kơ tam 'bôh ôh; lu sư 'maih mơ̆ng dôm tơdrong iĕm kơtơ̆ng dang ei ră, mă-lei lu sư ưh kơ tam kơtơ̆ng ôh.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Mathiơ 18:18

Inh khan kơ iĕm tơpă, tơdrong kiơ iĕm khă kuă ăn đe pơm tơ teh âu, 'Bok Kei-Dei tơ plĕnh ti kư̆m khă ưh kơ ăn mơ̆n. Tơdrong kiơ iĕm wă kơ đe pơm tơ teh âu, Sư kư̆m wă thoi noh mơ̆n.

Mathiơ 18:3

Na Yêsu khan: “Iĕm lăng bơngai 'lơ̆p âu sư ưh kơ đei layơ pơma pơang akâu kơdih. Inh khan kơ iĕm tơpă, dah iĕm khan wă kơ 'Bok Kei-Dei pơgơ̆r iĕm, lei iĕm athei tơplih ming jơhngơ̆m đon iĕm kiơ̆ thoi bơngai 'lơ̆p âu.

Mathiơ 19:23

Na Yêsu khan kơ lu bơngai pơhrăm păng Sư: “Inh khan kơ iĕm tơpă, lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 21:21

Yêsu khan kơ lu sư: “Inh khan kơ iĕm tơpă, dah iĕm đei đon lui kơjăp, 'nĕ kơ pơngiĕl, lei ưh kơ sĭ kơ pôm 'long hơra âu đĕch ôh iĕm gơh sơkat. Dah iĕm wă sơkat kơ kông âu gơh mơ̆n. Iĕm khan thoi âu: ‘Weh bĕ e, hiŏng kơtah kơdih tơ đak dơsĭ to.’ Tơdrong iĕm pơma noh gô 'bôh hloi tơpă.

Mathiơ 21:31

Thoi noh boih na iĕm tơchĕng lăng, 'bar 'nu kon noh, kon ayơ chu kơ nơ̆r 'bă sư?” Lu sư khan: “Kon kơdră chu.” Na Yêsu khan: “Inh khan kơ iĕm tơpă, lu bơngai iŏk jên thuê̆, lu drŏ-kăn pơm đi, lu sư chu thoi kon kơdră noh boih. Lu sư băt ăn kơ 'Bok Kei-Dei pơgơ̆r lu sư boih mă-lei gah lu iĕm tam mă chu 'mơ̆i.

Mathiơ 23:36

Inh khan kơ iĕm tơpă, yua kơ dôm lu bơngai mă yă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Mathiơ 24:2

Na Yêsu khan kơ lu sư: “Iĕm 'bôh boih hnam akŭm âu 'lơ̆ng rŏ, Inh khan kơ iĕm tơpă, ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”

Mathiơ 24:47

Inh khan kơ iĕm tơpă, yŏng sư gô ăn kơ sư wei-lăng đĭ-đăng mŭk tơmam yŏng sư hloi.

Mathiơ 25:12

Mă-lei 'bok mă 'nao iŏk akăn ei khan kơ lu sư: ‘Inh khan kơ iĕm tơpă, inh ưh kơ băt kơ lu iĕm ôh.’ ”

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 25:45

Na Inh gô khan kơ lu sư: ‘Inh khan kơ iĕm tơpă, yua kơ sơ̆ iĕm ưh kơ tơgŭm mơnat kơ lu 'nhŏng oh Inh âu, lu sư bơngai iĕ hloh kơ iĕm, noh dang iĕm ưh kơ tơgŭm Inh mơ̆n.’

Mathiơ 5:26

Inh khan kơ iĕm tơpă, đe oei phak iĕm khŏm khŏm 'mơ̆i, tơ̆p iĕm chu duh tôm 'mơ̆i, na đe tơlĕch tơlăi iĕm.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:2

Yua thoi noh na mưh iĕm wă tơgŭm đe tơmam, dah jên, iĕm 'nĕ ăn 'bơ̆t anăp đe bôl buăl 'bôh thoi lu bơngai pơang akâu kơdih lu sư chă ăn kơ đe tơmam tơ hnam akŭm 'Bok Kei-Dei, tơ kơphô̆, tơ kơchơ, wă kơ đe ư-ang kơ sư khan sư bơngai băt tơgŭm đe. Inh khan kơ iĕm tơpă, lu bơngai mă pơang kơ đe thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Markôs 10:15

Inh khan kơ iĕm tơpă, bơngai bu ưh kơ wă lui thoi lu hơ'lơ̆p lui, bơngai 'noh 'Bok Kei-Dei ưh kơ pơgơ̆r sư ôh.”

Markôs 10:29

Yêsu khan: “Inh khan kơ iĕm tơpă, bơngai bu achăng lê̆ hnam sư, 'nhŏng oh sư, mĕ 'bă sư, kon sư, mir 'ba sư, yua kơ sư wă jang tơdrong Inh păng ră roi tơdrong 'nao 'lơ̆ng kơ đe,

Markôs 11:23

Inh roi kơ iĕm tơpăt, dah bơ̆n wă sơkat kơ kông âu gơh mơ̆n. Bơ̆n khan thoi âu: ‘Weh bĕ e, hiŏng kơtah kơdih tơ đak dơsĭ to.’ Dah bơ̆n lui kơ kông âu gô hiŏng kơtah kơdih tơpă 'nĕ kơ ngĭl ngŭl, lei bơ̆n gô 'bôh tơpă.

Markôs 12:43

Na Yêsu krao lu bơngai pơhrăm păng Sư păng khan: “Inh khan kơ iĕm tơpă, yă adro dơnuh âu tah lơ hloh kơ đĭ-đăng lu bôl nai,

Markôs 13:30

Inh khan kơ iĕm tơpă, jơhnơr noh gô 'bôh tơpă tôm tơdrong Inh roi kơ iĕm noh hei.

Markôs 14:18

Kơplah lu sư oei sŏng sa na Yêsu khan: “Inh khan kơ iĕm tơpă, đei minh 'nu lăm lu iĕm oei sŏng sa hơdai păng Inh dang ei, sư wă plơ̆ plĕch Inh.”

Markôs 14:25

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bok Kei-Dei pơgơ̆r ning-mônh 'mơ̆i, na Inh gô huch đak hơmu 'nao.”

Markôs 14:30

Yêsu khan kơ sư: “Inh khan kơ ih tơpă, măng kơnh boih, hơdrol kơ iĕr ŏ 'bar 'măng, ih gô sơngah kơ Inh pêng 'măng khan ih ưh kơ băt kơ Inh.”

Markôs 14:9

Inh khan kơ iĕm tơpă, mă jơ̆p-jang kơ teh đak lu bơngai bơtho tơdrong 'nao 'lơ̆ng, lu sư kư̆m roi kơ đe tơdrong duch noh pơm kơ Inh wă kơ đe ư-ang kơ tơdrong sư pơm.”

Markôs 3:28

“Inh khan kơ iĕm tơpă, mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei kư̆m huay kơ jô̆ yo ôh, Sư oei tơgŭm pơklaih đĕch.

Markôs 6:11

Dah anih tơ yơ yơ ưh kơ sơng iŏk iĕm păng ưh kơ mơ̆ng nơ̆r iĕm bơtho, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm tơbăt kơ lu sư 'Bok Kei-Dei wă phak lu sư ning-mônh.”

Markôs 8:12

Na Yêsu tơhôih păng khan: “Kơlih kơ kiơ jơhnơr iĕm ahrei wă apinh pơlong Inh pơm tơdrong mơsêh? Inh khan kơ iĕm tơpă, Inh ưh kơ wă pơm tơdrong mơsêh thoi iĕm apinh noh ôh.”

Markôs 9:1

Inh khan kơ iĕm tơpă, đei lăm lu iĕm âu mơ'nah ưh tam lôch ôh, lu sư gô 'bôh tơdrong 'Bok Kei-Dei pơgơ̆r hăm tơdrong mơsêh mơyang Sư.

Markôs 9:41

Inh khan kơ iĕm tơpă, bơngai bu hơlăng kơ iĕm, asong iĕm minh kơchŏk đak nhă yua kơ iĕm kiơ̆ Inh 'Bok Krist, bơngai 'noh 'Bok Kei-Dei gô apah sư tơpă.

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 13:35

Na dang ei 'Bok Kei-Dei wă achăng tŭk pơlei iĕm boih. Inh khan kơ iĕm tơpă, iĕm pă 'bôh muh măt Inh boih tơ̆p truh năr Inh jur dơ̆ng ning-mônh na iĕm khan: ‘Ư-ang kơ Yêsu đơ̆ng 'Bok Kei-Dei wơh jur tơ bơ̆n dơ̆ng.’ ”

Luka 16:17

Mă-lei dôm tơdrong juăt 'Bok Kei-Dei pơkă, ưh kơ layơ hiong mă minh tơdrong iĕ ioch đơ̆ng Sư pơkă, mă truh tơ plĕnh teh hiong tôch ning-mônh, sư oei khŏm khŏm.

Luka 18:17

Inh khan kơ iĕm tơpă: Dah bu ưh kơ lui thoi lu hơ'lơ̆p âu lui, bơngai noh 'Bok Kei-Dei ưh kơ pơgơ̆r sư ôh.”

Luka 18:29

Yêsu khan dơ̆ng: “Inh khan kơ iĕm tơpă, kơplah oei ala teh âu bơngai bu achăng lê̆ hnam sư, kon akăn sư, 'nhŏng oh sư, mĕ 'bă sư, yua kơ sư jang tơdrong 'Bok Kei-Dei,

Luka 23:43

Yêsu khan kơ sư: “Inh khan kơ ih tơpă, năr âu hloi boih ih gô oei hơdai păng Inh tơ Pơlei 'Lơ̆ng 'Bok Kei-Dei.”

Luka 4:24

Na Yêsu khan dơ̆ng kơ lu sư thoi âu: “Inh khan kơ iĕm tơpă, lu bơngai pôm pơlei hăm bơngai pơtruh nơ̆r 'Bok Kei-Dei, lu sư ưh kơ wă sơng iŏk sư ôh.

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 10:1

Yêsu oei pơma kơ lu sư thoi âu: “Inh khan kơ iĕm tơpăt tơpă, bơngai bu mơ̆t tơ hơdrong triu mă ưh kơ mơ̆t trong 'măng tơm, na hao trong war, bơngai 'noh sư chă tơtông.

Yo 10:7

Thoi noh Yêsu bơtho kơ lu sư thoi âu dơ̆ng: “Inh khan kơ iĕm tơpăt, triu wă mơ̆t lăm hơdrong, sư athei mơ̆t trong 'măng. Na Inh thoi 'măng hơdrong, lu bơngai wă oei păng 'Bok Kei-Dei, lu sư athei mơ̆t trong Inh, noh wă khan athei lui kơ Inh.

Yo 12:24

Inh khan kơ iĕm tơpă, dah bơ̆n 'măn lê̆ adrĕch 'ba lăm kŭ ling-lang, sư ưh kơ chăt đei plei dơ̆ng ôh. Mă-lei dah bơ̆n rei sư tơ teh, bơ̆n lăng nhen lôch hiong, mă-lei găr lăm to sư gô chăt păng gô đei plei trem.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 13:38

Yêsu khan: “Ih khan wă chu lôch kiơ̆ Inh hă? Inh khan kơ Ih tơpă, hơdrol kơ iĕr ŏ pơgê dơning, ih gô sơngah kơ Inh pêng 'măng, ih khan ih ưh kơ băt kơ Inh.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Yo 16:23

“Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Yo 21:18

Inh khan kơ ih tơpă wă kơ ih băt: Hơtai ih oei moh sơ̆ ih gơh hrŭk hơbĕn ao ih năm tơ yơ yơ mơ̆ng kơ ih wă. Mă-lei lăp ih kră ning-mônh ih gô plaih ti ih, na đe nai gô chô̆ ti ih dui ih tơ anih mă ih ưh kơ wă.”

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Yo 5:19

Yêsu khan kơ lu bơngai Juđê ei: “Inh khan kơ iĕm tơpăt, Inh Kon Sư ưh kơ gơh jang kiơ̆ kơ Inh ôh. Inh athei jang kiơ̆ kơ Sư đĕch. 'Bă Sư jang thoi yơ Kon Sư jang thoi noh mơ̆n.

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Yo 6:32

Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Yo 6:47

“Inh khan tơpăt tơpă kơ lu iĕm, bơngai bu lui kơ Inh sư gô arih ling-lang păng 'Bok Kei-Dei tơpă.

Yo 6:53

Yêsu khan kơ lu sư: “Inh khan kơ iĕm tơpăt, dah iĕm ưh kơ sa sĕch akar Inh Kon Bơngai păng ưh kơ huch sa pham Inh, lei iĕm ưh kơ đei arih ôh, iĕm dang lĕ lôch đĕch.

Yo 8:34

Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Yo 8:51

Inh khan kơ iĕm tơpăt, bơngai bu răk nơ̆r Inh bơtho, bơngai 'noh huay kơ lôch ôh.”

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

I Pet 1:25

mă-lei gah nơ̆r 'Bok Kei-Dei ưh kơ layơ hiong tôch ôh.” Nơ̆r noh boih tơdrong 'nao 'lơ̆ng mă đe bơtho ăn kơ iĕm.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.