Mathiơ 5:17 - Sơ̆p Hlabơar Nơ̆r 'Bok Kei-Dei

¹⁷ “Iĕm 'nĕ tơchĕng 'bôh Inh truh tơ âu khan Inh wă pơrăm đĭ dôm tơdrong juăt Môis dah tơdrong lu 'bok pơtruh nơ̆r 'Bok Kei-Dei sơ̆. Ưh ôh, Inh truh tơ âu kang wă jang mă tôm mă 'blep tôm tơdrong lu sư bơtho khan sơ̆.

Mathiơ 5:17 Kruisverwysings

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Luka 16:17

Mă-lei dôm tơdrong juăt 'Bok Kei-Dei pơkă, ưh kơ layơ hiong mă minh tơdrong iĕ ioch đơ̆ng Sư pơkă, mă truh tơ plĕnh teh hiong tôch ning-mônh, sư oei khŏm khŏm.

Yo 8:5

Na Môis sơ̆ chih pơkă lăm tơdrong juăt bơ̆n khan bơngai bu pơm yoch thoi noh athei klơ̆m pơlôch sư păng tơmo. Na bĭ Ih khan thoi yơ?”

Jang 18:13

Lu bơngai Juđê khan kơ 'bok Galiôn thoi âu: “Bơngai âu athei đe lui kơkuh kơ 'Bok Kei-Dei ưh kơ trŏ thoi tơdrong juăt bơ̆n, na ih athei phak sư.”

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

Rom 10:4

Đĭ-đăng bơngai athei gơnang kơ Yêsu đĕch, 'Bok Kei-Dei jô̆ jing bơngai 'lơ̆ng hăm Sư. Bơ̆n gơnang kơ Yêsu thoi noh ưh pă kăl kơ gơnang kơ akâu kơdih kiơ̆ tơdrong juăt 'Bok Kei-Dei pơkă dơ̆ng ôh.

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

Rom 8:4

'Bok Kei-Dei pơm thoi noh, Sư wă kơ bơ̆n huay kơ gơnang kơ akâu bơ̆n kơdih, athei gơnang kơ Yang Bơhngol 'Lơ̆ng đĕch, na bơ̆n kĕ pơm kiơ̆ dôm tơdrong 'Bok Kei-Dei pơkă.