Mathiơ 4:6 - Sơ̆p Hlabơar Nơ̆r 'Bok Kei-Dei

⁶ Yang Satan khan kơ Yêsu: “Dah Ih Kon 'Bok Kei-Dei tơpă, lei Ih kuă kơ kiơ kơtah đơ̆ng kơpal âu tơ teh sŭng, yua kơ đe đei chih lăm sơ̆p hla bơar 'Bok Kei-Dei sơ̆ khan: ‘'Bok Kei-Dei gô ăn linh jang 'lơ̆ng Sư wei-lăng Ih, Lu sư gô drơng iŏk Ih lăm tơpang ti lu sư, Wă kơ Ih huay kơ huŏng hơtat kơ tơmo tơ ala.’ ”

Mathiơ 4:6 Kruisverwysings

Jop 1:10

“Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Jop 5:23

Mir chŭn ih choh huay kơ tơmo păng lu sem bri brah oei hiôk hăm ih.

Horiso 34:20

Sư wei đĭ dôm kơting sư, Ưh kơ đei minh pôm ayơ mă tơgơ̆.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Mathiơ 4:4

Yêsu khan: “Ưh ôh, yua kơ sơ̆p hla bơar 'Bok Kei-Dei đei chih khan lê̆ sơ̆ thoi âu: ‘Kon bơngai ưh kơ đei arih đơ̆ng tơmam sa đĕch ôh, kon bơngai arih yua kơ 'Bok Kei-Dei ăn.’ ”

II Kor 11:14

Lu bơngai noh iĕm 'nĕ lăng hlĭch tơdrong kiơ, lu sư trŏ kơ khŭl yang Satan 'mơ̆i. Yang Satan phŏ sư kư̆m pơm thoi linh jang 'lơ̆ng.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.