Mathiơ 4:5 - Sơ̆p Hlabơar Nơ̆r 'Bok Kei-Dei

⁵ Đơ̆ng noh yang Satan anhăk ba Yêsu năm tơ Pơlei Jêrusalem mă đe anăn pơlei 'Bok Kei-Dei, na yang Satan anhăk ba Yêsu tŏk tơ kơpal bơbŭng hnam akŭm tơm.

Mathiơ 4:5 Kruisverwysings

II Ho 3:4

Kơdeng gah anăp, tor să 'bar-jĭt hơgăt, hơtŏ kơ wơ̆l hnam akŭm; kơjung 'bar-jĭt hơgăt. Sư lom klơ̆p hăm maih se tơ lăm.

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Ne 11:18

Bơngai Lêwi oei lăm pơlei 'lơ̆ng rơgoh, đei 'bar-hrĕng tơhngam-jĭt puăn 'nu.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Mathiơ 27:53

Lu sư lĕch đơ̆ng bơsat; đơ̆ng rŏng kơ Yêsu iung arih đơ̆ng lôch na lu sư mơ̆t tơ Pơlei Jêrusalem, đei lơ bơngai tơ'bơ̆p 'bôh lu sư tơ noh.

Luka 4:9

Yang Satan kư̆m anhăk ba Yêsu năm tơ Pơlei Jêrusalem. Na sư anhăk ba Yêsu tŏk tơ kơpal bơbŭng hnam akŭm tơm. Na yang Satan ei khan: “Dah Ih Kon 'Bok Kei-Dei tơpă, lei Ih kuă kơ kiơ kơtah đơ̆ng kơpal âu tơ teh sŭng,

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.