Mathiơ 4:24 - Sơ̆p Hlabơar Nơ̆r 'Bok Kei-Dei

²⁴ Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Mathiơ 4:24 Kruisverwysings

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

I Pot 10:1

Wă yă pơtao dêh char Sêba kơtơ̆ng đe ư-ang kơ pơtao Sôlômôn đơ̆ng anăn Kră Yang, sư năm tơ noh wă pơlong lăng tơdrong hơgei Sôlômôn hăm tơdrong pơpơn tơnat.

I Pot 4:31

Sư hơgei dêh hloh kơ đĭ-đăng lu bơngai hơgei, kư̆m hơgei hloh kơ Êthan, bơngai Esra, hloh kơ Hêman, hloh kơ Kalkôl păng hloh kơ Đarđa lu kon drŏ-nglo Mahôl. Păng tơdrong ư-ang kơ sư kơtơ̆ng tơ jơ̆p-jang kơ dêh char tăp dăr.

I Ho 14:17

Anăn Đawit kơtơ̆ng ư-ang jơ̆p-jang kơ teh đak; Kră Yang pơm ăn kơ lu khŭl kon pơlei pơla hli kơ Đawit.

I Ho 29:2

Inh đĭ jơhngơ̆m klơm klak hơmet tơmam wă pơm hnam Kră Yang 'Bok Kei-Dei bơ̆n, maih kơ tơmam kiơ pơm hăm maih, hu kơ tơmam kiơ pơm hăm hu, kong kơ tơmam kiơ pơm hăm kong, bơsei kơ tơmam kiơ pơm hăm bơsei 'long kơ tơmam păng 'long tơmo rang păng lu tơmo gĭt hăm tơmo kok jơk tôm tĕch đak gôh găm.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Mathiơ 12:22

Kơplah noh đe năm ba tơ Yêsu minh 'nu bơngai măt tol păng sư kư̆m kơmlo yua kơ yang kơnê̆ pơm kơ sư. Na Yêsu pơpuh yang kơnê̆ lĕch đơ̆ng akâu bơngai noh na bơngai noh gơh 'bôh hơdah păng gơh pơma.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 17:15

“Ơ 'Bok, apinh Ih mơnat 'biơ̆ kơ kon inh sư bơngai hơwing, yang kơnê̆ nŏng kơ glơ̆m sư, phŏ pơ̆k tơ ŭnh phŏ pơ̆k tơ đak pơmat-tat măng năr.

Mathiơ 17:18

Đơ̆ng noh na Yêsu pơpuh yang kơnê̆ lĕch đơ̆ng akâu bơngai 'lơ̆p noh. Yang kơnê̆ lĕch jăk hloi ưh pă pơm kơ bơngai 'lơ̆p noh pơ̆k dơ̆ng.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 8:28

Lu sư tŏk hlôi pah to đak dơsĭ tơ tơring đe Gadara, 'bơ̆t ei đei 'bar 'nu bơngai yang kơnê̆ mơ̆t pơm kơ sư wơnh, lĕch đơ̆ng bơsat năm tơkan tơ Yêsu. Ưh kơ đei bu pơ̆n năm brih trong ei yua kơ bre sư khĕnh dêh.

Mathiơ 8:33

Lu bơngai mă wei nhŭng 'bôh thoi noh na kơdâu brŏk tơ pơlei lu sư chă roi kơ đe tơdrong nhŭng păng tơdrong 'bar 'nu bơngai yang kơnê̆ mơ̆t klaih boih.

Mathiơ 8:6

“Ơ 'Bok, đĭch inh păn kơ jĭ tơ hnam pă kĕ iung.”

Mathiơ 9:26

Lu đe kơtơ̆ng tơdrong 'noh năm chă roi jơ̆p kơ tơring ei.

Mathiơ 9:35

Yêsu năm chă bơtho tơ rim pơlei tih iĕ, tơ lăm hnam akŭm, bơtho gah tơdrong 'nao 'lơ̆ng 'Bok Kei-Dei wă pơgơ̆r bơ̆n. Păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 1:28

Đơ̆ng Yêsu pơm thoi noh, na đe kơtơ̆ng ang tơdrong Sư jơ̆p-jang kơ dêh Galilê hloi.

Markôs 1:32

Lăp 'năr mơ̆t adrơ̆m kơsơ̆ ei đe năm ba tơ sư dôm lu bơngai jĭ jăn păng lu bơngai yang mơ̆t.

Markôs 2:3

Đe tung ba minh 'nu bơngai hơwen hơwo kơpal anhŭn anhăk tơ Yêsu. Đei puăn 'nu bơngai tung sư.

Markôs 2:4

Lu sư ưh kơ gơh mơ̆t ôh yua kơ đei lơ bơngai dêh lăm hnam ei. Na lu sư tŏk kung tŏk truh tơ bơbŭng hnam ei. Lu sư bŏk bơbŭng hnam ei tơklă Yêsu, tơjur bơngai hơwen ei păng anhŭn 'bơ̆t anăp Yêsu.

Markôs 2:9

Inh khan kơ bơngai hơwen hơwo âu, tơdrong yoch sư Inh pơklaih đĭ boih, tơdrong 'noh dah iĕm 'bôh Inh athei sư iung, iŏk anhŭn sư chĕp brŏk, na sư iung brŏk hloi, 'noh iĕm kư̆m băt kơ Inh gơh pơklaih yoch sư mơ̆n. Na iĕm pơma mơmơnh kơ kiơ khan Inh pơma blông?

Luka 2:2

'Nâu mă blŭng-a đe chih anăn tơ lăm hla bơar, kơplah Krinus oei pơm 'bok tih lăm dêh char Siri.

Luka 4:14

Đơ̆ng noh na Yêsu wih tơ dêh Galilê. Yang Bơhngol 'Lơ̆ng tơgŭm hloi Sư pơm tơdrong mơsêh mơyang. Na đe chă roi pơư pơang tơdrong Sư jơ̆p kơ tơring kiơ̆ ei.

Luka 4:38

Yêsu lĕch đơ̆ng hnam akŭm ei năm tơ hnam Simôn. Na tơnei Simôn bơlŏ kal dêh tơpă, na đe apinh Yêsu pơklaih sư.

Luka 5:15

Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.

Luka 5:24

Na dang ei Inh wă pơklaih jĭ sư, wă tơbăt ăn kơ iĕm băt kơ Inh Kon Bơngai gơh pơklaih tơdrong yoch kon bơngai ala teh âu.” Na Yêsu khan kơ bơngai hơwen hơwo ei thoi âu: “Inh khan kơ ih, dah iung bĕ, chĕp ba anhŭn ih brŏk tơ hnam.”

Luka 7:17

Đe ră roi tơdrong Yêsu tơiung arih bơngai ei đơ̆ng lôch jơ̆p kơ dêh Juđê păng kiơ̆ dêh tơmoi hai.

Yo 10:21

Lu bơngai mơ'nah dơ̆ng khan: “Bơngai yang mơ̆t ưh kơ gơh bơtho thoi noh ôh. Lơliơ yang kơnê̆ gơh pơm bơngai măt tol gơh 'bôh hơdah?”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

Jang 15:41

Bre sư năm tơ dêh char Siri păng dêh char Salisia bơtho păng tơgŭm bơngai lui.

Jang 28:9

Lu bơngai nai oei tơ bŏl đak ei kơtơ̆ng thoi noh, đĭ-đăng lu bơngai jĭ jăn năm tơ Pôl na Pôl kư̆m pơklaih lu sư mơ̆n.

Jang 8:7

Philip pơklaih lu bơngai yang mơ̆t. Lăp Philip pơklaih bơngai yang kơnê̆ mơ̆t ei, na yang ei pơret kơdâu hloi jăk tơ nai. Sư kư̆m đei pơklaih lơ bơngai kue jo mơ̆n.

Jôsuê 6:27

Kră Yang oei hơdai Jôsuê, đe ư-ang anăn sư jơ̆p-jang lăm char sư.