Mathiơ 4:15 - Sơ̆p Hlabơar Nơ̆r 'Bok Kei-Dei

¹⁵ “Tơring Sabalôn păng tơring Naptali, Mă oei jê̆ đak dơsĭ, pah to krong Jôrđăn lăm dêh Galilê tơmoi mă ưh kơ lui.

Mathiơ 4:15 Kruisverwysings

I Pot 9:11

Na kơplah 'noh pơtao Sôlômôn pơjao ăn kơ Hiram pơtao pơlei Tirơ, 'bar-jĭt tŏ pơlei lăm dêh Galilê, yua kơ Hiram ăn kơ pơtao Sôlômôn 'long hơngo, 'long hơngo hla iĕ păng maih, mơ̆ng kơ sư wă dôm yơ.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

Êsai 9:1

Kon pơlei năm lăm măng mu 'bôh bơih tơdrong hơdah tih; păng tơdrong hơdah pơchrang bơih kơ lu bơngai oei lăm dêh măng mu gueo.

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 4:14

Sư năm tơ noh 'blep trŏ thoi Êsai chih khan lê̆ hơdrol sơ̆ thoi âu:

Mathiơ 4:25

Na lơ bơngai tơpă kiơ̆ Sư, đơ̆ng dêh Galilê, mơ'nah đơ̆ng tơring Đêkapôlis, mơ'nah đơ̆ng Pơlei Jêrusalem, mơ'nah đơ̆ng dêh Juđê, mơ'nah đơ̆ng pah to krong Jôrđăn.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Jôsuê 20:7

Thoi noh kon pơlei Isơrael, rơih iŏk pơlei Kades lăm char Galilê, tơ kơpal kông char Naptali; Pơlei Sichem tơ kơpal kông Êphraim păng pơlei Kiriat Arba, noh đe krao pơlei Hêbrôn, oei tơ kơpal kông lăm char Juđa.

Jôsuê 21:32

Păng kư̆m iŏk dơ̆ng đơ̆ng adrĕch Naptali, pơlei Kêđes lăm char Galilê, jing pơlei ôn kơ'nơp kơ bơngai bu mă pơlôch đe hơch 'bơm, pơlei Hamôt Đôr pơlei Kartan păng teh jum dăr kơ pơlei; đei tơmăn 'nhĕt, đĭ-đăng pêng tŏ pơlei.