Mathiơ 4:14 - Sơ̆p Hlabơar Nơ̆r 'Bok Kei-Dei

¹⁴ Sư năm tơ noh 'blep trŏ thoi Êsai chih khan lê̆ hơdrol sơ̆ thoi âu:

Mathiơ 4:14 Kruisverwysings

Mathiơ 1:22

Dôm tơdrong 'noh 'blep trŏ thoi 'Bok Kei-Dei ăn kơ minh 'nu bơngai khan lê̆ hơdrol sơ̆ thoi âu:

Mathiơ 2:15

Lu sư oei tơ dêh Êyiptơ truh tơ pơtao Hêrôt lôch. Lu sư pơm thoi noh 'blep thoi Kră Yang 'Bok Kei-Dei ăn kơ bơngai pơtruh nơ̆r Sư khan lê̆ hơdrol sơ̆ thoi âu: “Inh krao Kon Inh brŏk đơ̆ng dêh Êyiptơ.”

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Mathiơ 26:54

Mă-lei sơ̆p hla bơar 'Bok Kei-Dei khan Inh gô lôch tang kon bơngai, na thoi yơ Inh gơh apinh 'Bă Inh dŏng bơ̆n thoi noh?”

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 4:15

“Tơring Sabalôn păng tơring Naptali, Mă oei jê̆ đak dơsĭ, pah to krong Jôrđăn lăm dêh Galilê tơmoi mă ưh kơ lui.

Mathiơ 8:17

Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

Yo 19:28

Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”