Mathiơ 4:13 - Sơ̆p Hlabơar Nơ̆r 'Bok Kei-Dei

¹³ Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 4:13 Kruisverwysings

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Mathiơ 17:24

Lăp lu sư truh tơ Pơlei Kapernum, lu bơngai ra iŏk jên thuê̆ jet Pêtrôs khan: “Thoi yơ, 'bok thây ih hăm wă ăn thuê̆?”

Mathiơ 4:14

Sư năm tơ noh 'blep trŏ thoi Êsai chih khan lê̆ hơdrol sơ̆ thoi âu:

Mathiơ 4:15

“Tơring Sabalôn păng tơring Naptali, Mă oei jê̆ đak dơsĭ, pah to krong Jôrđăn lăm dêh Galilê tơmoi mă ưh kơ lui.

Mathiơ 9:1

Đơ̆ng noh Yêsu brŏk tơ pơlei Sư kơdih pah to đak.

Markôs 1:21

Đơ̆ng noh lu sư năm tơ Pơlei Kapernum. Kơplah năr pơdơh Sa'bat, Yêsu năm akŭm tơ hnam akŭm 'Bok Kei-Dei păng bơtho đe tơ noh.

Markôs 2:1

Lăp 'bar pêng năr đơ̆ng rŏng dơ̆ng, Yêsu wih tơ Pơlei Kapernum na đe kơtơ̆ng ang Sư oei hnam,

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

Luka 4:23

Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Yo 2:12

Đơ̆ng noh mĕ Sư păng lu bơngai pơhrăm păng Sư, yak hơdai Sư đơ̆ng noh năm tơ Pơlei Kapernum. Lu sư oei tơ Pơlei Kapernum noh ưh kơ đunh mơ̆n.

Yo 4:46

Yêsu năm tơ Pơlei Kanna lăm dêh Galilê dơ̆ng, pơlei mă đêl Yêsu tơlĕch mơsêh mơyang Sư pơm kơ đak 'blăng jing đak sik hơmu. Na tơ Pơlei Kapernum đei minh 'nu bơngai pơm 'bok kuan, sư bơ̆jang iĕ 'biơ̆ kơ 'bok pơtao. Na kơplah noh kon sư jĭ dêh.

Yo 6:17

Lu sư tŏk thŏng-nan wă năm tơ Pơlei Kapernum. Kơplah ei 'năr mơ̆t boih măng mu, mă-lei Yêsu tam mă jur tơ lu sư ôh na lu sư wơ̆r wă tŏk pah to.

Yo 6:24

Lu sư ưh kơ băt Yêsu tơ yơ păng ưh kơ 'bôh lu bơngai pơhrăm păng Sư tăm. Na lu bơngai tơpôl ei tŏk thŏng-nan plơ̆ng ei wơ̆r năm tơpăt tơ Pơlei Kapernum wă chă Yêsu.

Yo 6:59

Yêsu bơtho tơdrong âu tơ hnam akŭm Pơlei Kapernum.