Mathiơ 4:12 - Sơ̆p Hlabơar Nơ̆r 'Bok Kei-Dei

¹² Yêsu kơtơ̆ng ang đe tah Yôhan lăm hnam phak boih, na Sư năm tơ dêh Galilê.

Mathiơ 4:12 Kruisverwysings

Mathiơ 11:2

Yôhan mă pơm kơ đe 'batem, đe tah sư lăm hnam phak. Sư kơtơ̆ng ang tơdrong mơsêh mơyang 'Bok Krist pơm, na sư wơh lu bơngai pơhrăm păng sư năm jet Yêsu thoi âu:

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Markôs 6:17

Sơ̆ pơtao Hêrôt wơh đe năm rôp Yôhan tah lăm hnam phak tơpă, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Luka 23:5

Mă-lei lu sư khan thoi âu dơ̆ng wă pơlŭt Pilat kư̆m jâu Sư bơngai yoch: “Yêsu âu chă pơchŭt đe kon tơring tơrang jơ̆p kơ dêh Juđê đơ̆ng tơring Galilê mah truh tơ bơ̆n âu.”

Luka 3:20

Na Hêrôt kư̆m pơm kơnê̆ kơ Yôhan tah hloi sư lăm hnam phak.

Luka 4:14

Đơ̆ng noh na Yêsu wih tơ dêh Galilê. Yang Bơhngol 'Lơ̆ng tơgŭm hloi Sư pơm tơdrong mơsêh mơyang. Na đe chă roi pơư pơang tơdrong Sư jơ̆p kơ tơring kiơ̆ ei.

Luka 4:31

Klaih kơ noh Yêsu năm tơ Pơlei Kapernum lăm dêh char Galilê ei mơ̆n. Na kơplah năr pơdơh Sa'bat Sư bơtho kon pơlei pơla tơ noh.

Yo 1:43

Năr đơ̆ng rŏng dơning dơ̆ng Yêsu wă năm tơ dêh Galilê, na Sư chă Philip pơtơm năm kiơ̆ Sư khan: “Năm kiơ̆ Inh bĕ.”

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

Yo 3:24

Hơtai 'noh đe tam mă tah Yôhan lăm hnam phak ôh.

Yo 4:43

Đơ̆ng rŏng kơ 'bar năr ei Yêsu wih hloi tơ dêh Galilê.

Yo 4:54

Tơdrong mơsêh mơyang âu Yêsu tơ'bôh 'bơ̆t Sư năm đơ̆ng dêh Juđê 'nao truh tơ dêh Galilê kư̆m thoi tơdrong mơsêh Sư pơm sik hơdrol ki, Sư kư̆m tơ'bôh kơ đe 'bơ̆t Sư năm đơ̆ng dêh Juđê 'nao truh tơ dêh Galilê mơ̆n.