Mathiơ 3:5 - Sơ̆p Hlabơar Nơ̆r 'Bok Kei-Dei

⁵ Lu đe năm tơ sư kơplah ei sơ̆ đơ̆ng Pơlei Jêrusalem, đơ̆ng dêh Juđê, đơ̆ng tơring krong Jôrđăn.

Mathiơ 3:5 Kruisverwysings

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 4:25

Na lơ bơngai tơpă kiơ̆ Sư, đơ̆ng dêh Galilê, mơ'nah đơ̆ng tơring Đêkapôlis, mơ'nah đơ̆ng Pơlei Jêrusalem, mơ'nah đơ̆ng dêh Juđê, mơ'nah đơ̆ng pah to krong Jôrđăn.

Markôs 1:5

Đĭ-đăng bơngai đơ̆ng dêh Juđê hăm đĭ-đăng bơngai lăm Pơlei Jêrusalem năm tơ Yôhan. Lu sư roi kơ 'Bok Kei-Dei tơdrong yoch lu sư, na Yôhan pơm 'batem kơ lu sư tơ krong Jôrđăn.

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Luka 3:3

Na Yôhan năm jơ̆p kơ tơring kiơ̆ krong Jôrđăn. Na sư bơtho athei đe tơbral kơdih tơdrong yoch na iŏk 'batem wă kơ 'Bok Kei-Dei pơklaih yoch sư.

Luka 3:7

Na Yôhan khan kơ lu bơngai tơpôl wă năm iŏk 'batem ei thoi âu: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh na iĕm mah năm tơ âu wă iŏk 'batem đĕch khan gô klaih đơ̆ng tơdrong phak noh hă?

Yo 3:23

Yôhan sư pơm kơ đe 'batem tơ Pơlei Anon jê̆ Pơlei Salim kơlih kơ tơ ei đei đak dơnâu. Na đe năm tơ sư tơ ei wă iŏk 'batem.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.