Mathiơ 3:13 - Sơ̆p Hlabơar Nơ̆r 'Bok Kei-Dei

¹³ Kơplah noh sơ̆, Yêsu đơ̆ng dêh Galilê năm tơ krong Jôrđăn, Sư apinh Yôhan pơm kơ Sư 'batem.

Mathiơ 3:13 Kruisverwysings

Mathiơ 2:22

Lăp Yôsep kơtơ̆ng đe khan Kêlôih kon pơtao Hêrôt wă iung pơm pơtao păl 'bă sư oei tơ dêh Juđê dơ̆ng, na Yôsep hli kơ oei tơ dêh noh. Sư đei apo 'bôh linh jang 'lơ̆ng khan kơ sư kuă ăn oei tơ noh, athei năm oei tơ dêh Galilê.

Mathiơ 3:14

Mă-lei Yôhan pơjăng kuă kơ pơm kơ Sư 'batem ră, na sư khan kơ Yêsu thoi âu: “Ih trŏ pơm kơ inh 'batem, na Ih khan athei inh pơm kơ Ih liơ trŏ?”

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Yo 1:31

Sơ̆ inh ưh kơ kơnăl kơ Sư, sơmă truh inh wă pơm kơ đe 'batem, na inh wă kơ lu bơngai Isơrael băt kơ Sư, na inh pơm kơ lu sư 'batem păng đak.”