Mathiơ 28:9 - Sơ̆p Hlabơar Nơ̆r 'Bok Kei-Dei

⁹ Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Mathiơ 28:9 Kruisverwysings

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Mathiơ 14:33

Lu bơngai pơhrăm păng Sư oei lăm thŏng-nan sơtơ̆p kŭl-tăng kơkuh kơ Sư păng khan: “Ih Kon 'Bok Kei-Dei tơpă.”

Mathiơ 23:7

Lu sư wă kơ đe kơkuh kơ sư tơ anih đe akŭm tơpôl păng wă kơ đe krao lu sư 'bok thây.

Mathiơ 28:10

Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Mathiơ 28:8

Đơ̆ng noh bre sư kơdâu năm roi kơ lu bơngai pơhrăm păng Yêsu tơdrong mă bre sư 'bôh noh hei. Kơplah bre sư kơdâu rok trong, jơhngơ̆m bre sư hiôk dêh na minh pah đon bre sư tơchĕng hli rah dai.

Luka 1:28

Linh jang 'lơ̆ng ei truh tơ Mari khan hloi thoi âu: “Kơkuh kơ ih, duch. 'Bok Kei-Dei wă yua ih păng Sư lăp đon kơ ih boih.”

Luka 24:52

Na lu bơngai pơhrăm păng Sư ei sơtơ̆p kŭl-tăng kơkuh kơ Yêsu. Đơ̆ng noh lu sư brŏk hloi tơ Pơlei Jêrusalem. Jơhngơ̆m lu sư chơt hiôk tơpă.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Yo 12:3

Mari chĕp minh gŏl đak pơgang 'bâu phu. Pơgang ei đe gĭt tơpă dang minh puăt kilô. Na Mari tuh 'bơ̆t jơ̆ng Yêsu; sư sut jơ̆ng Yêsu hăm sŏk sư kơdih na pơgang ei 'bâu jơ̆p-jang lăm hnam.

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.