Mathiơ 28:8 - Sơ̆p Hlabơar Nơ̆r 'Bok Kei-Dei

⁸ Đơ̆ng noh bre sư kơdâu năm roi kơ lu bơngai pơhrăm păng Yêsu tơdrong mă bre sư 'bôh noh hei. Kơplah bre sư kơdâu rok trong, jơhngơ̆m bre sư hiôk dêh na minh pah đon bre sư tơchĕng hli rah dai.

Mathiơ 28:8 Kruisverwysings

Horiso 2:11

Athei bơ̆jang kơ Kră Yang hăm tơdrong hli yom, Păng chơt hiôk bĕ truh akâu pơpơ̆.

Mathiơ 28:7

Na dang ei biĕm năm hloi tơ lu bơngai pơhrăm păng Sư, khan kơ lu sư thoi âu: ‘'Bok Kei-Dei tơiung arih Sư đơ̆ng lôch boih, Sư wă năm tơ dêh Galilê hơdrol kơ iĕm, iĕm gô tơ'bơ̆p Sư tơ noh.’ Biĕm 'nĕ hiơt tơdrong Inh khan kơ biĕm âu hŏ.”

Mathiơ 28:9

Kơplah bre sư kơdâu rok trong Yêsu tơ'bơ̆p bre sư păng khan: “Liĕm akâu hiôk-hian kơ bơ̆n.” Bre sư năm jê̆ Yêsu rôp jơ̆ng Sư na kơkuh kơ Sư.

Markôs 16:8

Thoi noh boih na lu sư lĕch kơdâu đơ̆ng bơsat. Lu sư hli tơrơ mah tơtey, yua kơ lu sư lăng hlĭch 'bôh tơdrong 'noh. Kơplah lu sư kơdâu lu sư ưh kơ roi kơ đe nai yua kơ lu sư hli dêh.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.