Mathiơ 28:5 - Sơ̆p Hlabơar Nơ̆r 'Bok Kei-Dei

⁵ Linh jang 'lơ̆ng khan kơ bre drŏ-kăn noh khan: “Biĕm 'nĕ kơ hli, inh băt kơ biĕm năm tơ âu chă Yêsu mă đe pơ̆ng pơlôch tơ 'long pơglang.

Mathiơ 28:5 Kruisverwysings

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Da 10:12

Đơ̆ng noh bơngai ei khan thoi âu; ơ Đaniel 'nĕ kơ hli; yua kơ đơ̆ng nơ̆r blŭng-a mă ih đei đon hlôh drap kơkuh 'bơ̆t anăp Kră Yang 'Bok Kei-Dei ih păng lu nơ̆r ih pơma kơ Kră Yang 'Bok Kei-Dei kơtơ̆ng boih, yua kơ lu nơ̆r ih noh na inh truh tơ âu.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Mathiơ 14:27

Mă-lei Yêsu thar khan kơ lu sư: “Iĕm 'nĕ pă hli, Inh âu lah.”

Mathiơ 28:10

Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Mathiơ 28:4

Lu linh gak bơsat hli tơrơ mah lôch hơngơ̆t.

Markôs 16:6

Tơdăm ei khan kơ lu sư: “Iĕm 'nĕ kơ hli. Iĕm chă Yêsu Pơlei Nasaret mă đe pơ̆ng pơlôch tơ 'long pơglang. Sư iung arih đơ̆ng lôch boih, Sư ưh pă oei tơ âu. Tơ̆ng iĕm ưh kơ lui apinh iĕm lăng anih đêl đe tơ'bĭch Sư âu.

Luka 1:30

Linh jang 'lơ̆ng ei khan kơ sư dơ̆ng: “Ơ Mari, ih 'nĕ kơ hli yua kơ 'Bok Kei-Dei lăp đon kơ ih tơpă.

Luka 24:5

Lu drŏ-kăn ei hli dêh tơpă na lu sư bon tơ teh. Na bre linh jang 'lơ̆ng ei khan kơ lu sư thoi âu: “Yua kơ kiơ iĕm chă bơngai arih tơ anih đe lôch?

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.