Mathiơ 27:2 - Sơ̆p Hlabơar Nơ̆r 'Bok Kei-Dei

² Lu sư chô̆ Yêsu năm jao ăn kơ Pilat, bơngai Rôm mă pơgơ̆r dêh Juđê.

Mathiơ 27:2 Kruisverwysings

Bl 22:9

Bre sư năm truh tơ anih mă Kră Yang 'Bok Kei-Dei tơ'bôh ăn; tơ noh Abraham hơmet chơnang soi, dan 'long ŭnh, chô̆ Isăk mă kon sư, dan sư tơ kơpal 'long ŭnh tơ kơpal chơnang soi.

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 28:14

Lu 'bok soi tih khan kơ lu linh dơ̆ng: “Dah 'bok tih Pilat kơtơ̆ng tơdrong âu, hli kơ sư hil kơ iĕm, lê̆ nhôn pơlung sư wă kơ iĕm huay kơ hli.”

Luka 13:1

Kơplah ei đei lu bơngai năm tơ noh roi kơ Yêsu tơdrong Pilat pơlôch lu bơngai Galilê kơplah lu sư oei sơmah kơ 'Bok Kei-Dei.

Luka 20:20

Lu sư lăng tông Yêsu ling-lang wă chă tơdrong gơh rôp Sư. Lu sư wơh bôl sư năm tơ Yêsu pơm thoi bơngai tơpăt na sư jet pơlong Yêsu. Dah Yêsu pơma khă gah tơdrong juăt teh đak, lu sư wă rôp anhăk pơjao ăn kơ 'bok tih sek tơlang.

Luka 23:1

Đơ̆ng noh na đĭ-đăng kơ lu sư iung anhăk ba Yêsu năm tơ anăp 'bok tih pơgơ̆r dêh Juđê anăn sư Pilat. Sư bơngai Rôm.

Luka 23:12

Đơ̆ng sơ̆ bre Hêrôt păng Pilat, bre sư areh arĕnh dih băl ră, mă-lei truh năr 'nei bre sư jing tơmơ̆t băl pôm jơhngơ̆m đon.

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Yo 18:12

Thoi noh lu linh Rôm păng minh 'nu 'bok sêp lu sư, hăm lu linh Juđê mă gak hnam akŭm tơm, lu sư rôp chô̆ Yêsu.

Yo 18:24

Klaih kơ noh Ana wơh đe ba Yêsu năm tơ 'bok soi tơm anăn sư Kaiphe. Ti Yêsu oei chô̆.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Jang 12:6

Na truh măng ei tơ lăm hnam phak noh đe oei chô̆ Pêtrôs păng tơlei glang mam 'bar dăng. Sư oei tep đei linh gak, minh 'nu gah 'ma minh 'nu gah 'ngiĕo. Tơ 'măng hnam ei kư̆m đei linh gak mơ̆n. Pơtao Hêrôt athei lu linh gô pơgê dơning tơlĕch sư yua kơ 'bok pơtao wă pơlôch sư boih.

Jang 21:33

'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Jang 22:25

Lu linh chô̆ Pôl wă kơ teh sư. Na Pôl khan kơ 'bok phŏ linh oei 'bơ̆t ei thoi âu: “Iĕm ưh kơ gơh teh inh ôh, yua kơ inh bơngai Rôm lei-lăi thoi iĕm mơ̆n, na lu đe kră tam mă năm sek tơlang tơdrong inh.”

Jang 22:29

Na lu linh mă chô̆ Pôl hăm wă teh sư ei, lu sư weh ataih đơ̆ng Pôl. 'Bok tih linh băt kơ sư bơngai Rôm boih sư kư̆m hli lei-lăi thoi lu 'noh mơ̆n kơlih kơ sư athei lu linh chô̆ Pôl wă teh sư hei.

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 28:20

Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Lu 15:12

Lu sư khan dơ̆ng: Lu nhôn jur tơ âu wă rôp chô̆ ih, wă ba ih tơ lu bơngai Philistin. Samsơn tơl: Apinh iĕm pơkă pơkăm hăm inh 'mơ̆i, iĕm ưh kơ pơlôch inh.