Mathiơ 26:53 - Sơ̆p Hlabơar Nơ̆r 'Bok Kei-Dei

⁵³ Dah Inh wă dang ei Inh gơh apinh 'Bă Inh tơjur tơpơh-jĭt rơbâu 'nu linh jang 'lơ̆ng Sư blah dŏng bơ̆n.

Mathiơ 26:53 Kruisverwysings

II Pot 6:17

Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 4:11

Satan kơdâu weh hloi đơ̆ng Sư, na blư bla kơ linh jang 'lơ̆ng năm tơgŭm Sư.

Markôs 5:15

Lu sư năm tơ Yêsu na 'bôh bơngai mă đêl yang kơnê̆ mơ̆t ei oei ngôi 'bơ̆t ei. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu sư khan: “Bơngai 'nâu boih yang kơnê̆ pơm kơ sư wơnh dêh ki.” Na lu sư hli kơ Yêsu.

Markôs 5:9

Na Yêsu jet anăn sư: “Anăn ih bu?” Sư khan: “Anăn inh Tơpôl yua kơ nhôn lơ.”

Luka 8:30

Yêsu jet anăn sư: “Anăn ih bu?” Sư khan: “Anăn inh Tơpôl.” Sư khan thoi noh yua kơ sư đei lơ yang kơnê̆ oei lăm sư.

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

Yo 18:36

Yêsu khan: “Tơdrong Inh pơm Pơtao ưh kơ sĭ thoi lu 'bok pơtao tơ ala teh âu ôh. Dah Inh pơm pơtao thoi lu sư, đei bơngai linh kiơ̆ Inh, tơblah păng lu bơngai Juđê 'noh wă kơ lu sư huay kơ rôp Inh. Tơdrong Inh pơm Pơtao ưh kơ sĭ đơ̆ng kon bơngai ăn kơ Inh pơm ôh.”

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,