Mathiơ 24:5 - Sơ̆p Hlabơar Nơ̆r 'Bok Kei-Dei

⁵ Ning-mônh gô đei lơ bơngai truh na lu sư anăn măt Inh khan sư kơdih 'Bok Krist. Đei lơ bơngai lui kơ sư pơhlŭ.

Mathiơ 24:5 Kruisverwysings

Je 14:14

Kră Yang khan kơ inh: “Lu bơngai khan lê̆ adrol yua anăn Inh na pơma hơlĕnh, Inh ưh kơ đei wơh lu sư ôh, kư̆m ưh kơ đei tơtă dah pơma athei lu sư mơ̆n. Lu sư khan lê̆ adrol kiơ̆ thoi lu sư chă pơm 'bôh ưh kơ tơpă, chă hlang pơpơn kư̆ kă wă pơhlŭ lu iĕm kiơ̆ kơ lu sư tơchĕng đon kơdih.”

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 23:25

Inh đei kơtơ̆ng nơ̆r lu bơngai khan lê̆ adrol hơlĕnh yua anăn Inh khan! ‘Inh apo 'bôh, inh apo 'bôh.’

Je 37:9

Kră Yang khan: “Lu iĕm 'nĕ chă hơlĕnh kơdih khan: ‘Bơngai Kalđê khan gô weh ataih đơ̆ng lu bơ̆n; lu sư ưh kơ weh ôh.’

Mathiơ 24:11

Kư̆m đei lơ bơngai wă pơhlŭ iĕm, khan sư bơngai pơtruh nơ̆r 'Bok Kei-Dei, đei lơ bơngai lui kơ sư pơhlŭ.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Yo 5:43

'Bă Inh 'Bok Kei-Dei wơh Inh jur tơ ala teh âu, mă-lei iĕm ưh kơ wă sơng iŏk Inh ôh. Na bơngai nai năm kơdih sư, noh iĕm tơkan sơng iŏk sư hloi.

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.

I Yo 2:18

Ơ lu kon hơ'lơ̆p, năr tôch wă jê̆ truh boih. Iĕm kơtơ̆ng đơ̆ng sơ̆ boih gah tơdrong bơngai ayăt kơ Yêsu Krist gô truh. Na dang ei đei lơ bơngai ayăt kơ Yêsu Krist truh boih, thoi noh bơih bơ̆n băt kơ năr tôch wă jê̆ truh.

I Yo 2:22

Lei bu hơlĕnh lĕ? Bơngai bu khan Yêsu ưh kơ sĭ 'Bok Krist, bơngai 'noh boih hơlĕnh păng bơngai 'noh boih ayăt kơ Yêsu Krist, bơngai 'noh boih achăng tŭk 'Bă Sư 'Bok Kei-Dei păng Kon Sư mơ̆n.

I Yo 4:3

Bơngai bu khan Yêsu Krist ưh kơ jur jing bơngai, bơngai 'noh ưh kơ đei Yang Bơhngol 'Lơ̆ng đơ̆ng 'Bok Kei-Dei ôh. Bơngai bu khan thoi noh, sư 'noh ayăt kơ Yêsu Krist. Iĕm kơtơ̆ng boih sơ̆ lu bơngai ayăt kơ Yêsu Krist khan gô truh, na dang ei lu sư truh tơ âu tơpă boih.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.