Mathiơ 22:5 - Sơ̆p Hlabơar Nơ̆r 'Bok Kei-Dei

⁵ Mă-lei lu bơngai mă sư wơ̆n ei oei ưh kơ chu kơ năm sŏng sa 'mơ̆i, lu sư khan ưh kơ kăl. Lu sư kơtơ̆ng boih bơngai jang kơ 'bok pơtao năm krao lu sư, mă-lei lu sư mơ'nah năm jang tơ mir, mơ'nah hăt kơ năm mơdro sa.

Mathiơ 22:5 Kruisverwysings

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Bl 25:34

Đơ̆ng noh Jakôp ăn kơ Êsâu sa 'bĕng păng chao hrâu hăm tơh; sa nhă đang boih, na sư iung yak năm. Noh boih Êsâu mă lăng hơi tơdrong jing 'nhŏng kơdră.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 22:4

'Bok pơtao wơh dơ̆ng lu bơngai jang kơ sư nai năm krao păng khan kơ lu bơngai mă sư wơ̆n ei thoi âu: ‘Inh hơmet tơmam sa đang boih, dang ei oei chang gô iĕm; inh đei 'buh sa rơmo bek na dôm tơmam wă sŏng sa hơmet đang boih, apinh iĕm năm sŏng sa bĕ.’

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Yo 2:16

Đơ̆ng noh na Sư khan kơ lu bơngai mơdro sem kơtơp: “Anhăk ba đĭ sem kơtơp iĕm âu tơ nai. Iĕm 'nĕ pă pơm kơ hnam 'Bă Inh thoi lĕ kơ hnam mơdro mơchan.”

Jang 2:13

Sơmă đei lu mơ'nah pơjăm khan: “Lu sư suai.”

Jang 24:25

Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 8:6

Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.