Mathiơ 22:12 - Sơ̆p Hlabơar Nơ̆r 'Bok Kei-Dei

¹² 'Bok pơtao khan kơ bơngai ei: ‘Ơ ma, lơliơ ih mơ̆t tơ lăm anih âu mă ưh kơ hrŭk tơplih hơbĕn ao tơdrong juăt pơkong?’ Mă-lei bơngai ei ưh kơ pơ̆n drơ̆ng sư thoi yơ.

Mathiơ 22:12 Kruisverwysings

Jop 5:16

Thoi noh lu bơngai dơnuh hoh đei chang hơmĕng, lu bơngai kơnê̆ Kră Yang pơŏm lê̆ 'bơ̆r.”

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Je 2:23

“Liơ ih gơh khan: ‘Nhôn ưh kơ đei 'mê̆-'mach. Inh ưh kơlah kiơ̆ yang Baal ôh?’ Lăng lăng bĕ trong gơlong iĕm pơm lăm thŭng; ăn kơ iĕm băt iĕm đei pơm kiơ boih, iĕm thoi lăk-đa thông đai kư̆ kă tơ âu tơ to,

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Mathiơ 20:13

Na 'bok tơ'ngla mir ei khan kơ minh 'nu lăm lu sư: ‘Ơ ma, inh ưh kơ pơma hơlĕnh kơ ih ôh, inh apah lu iĕm minh hlak jên noh, kiơ̆ kơ nơ̆r ba pơma băl pơgê hei. Jên âu ưh kơ đei jên bu ôh jên inh kơdih.

Mathiơ 26:50

Yêsu khan: “Ơ buăl, pơm bĕ tơdrong ih wă pơm.” Na lu sư tơkan rôp kơjăp Yêsu hloi.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Tit 3:11

Ih kư̆m băt mơ̆n bơngai bu pơm thoi noh sư tŭk tơdrong 'lơ̆ng sư boih, na jing pơm tơdrong yoch. Sư bơtho ưh kơ trŏ thoi noh, sư kư̆m băt kơdih sư pơm yoch mơ̆n.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.